Krekosja është një mister i trupit, i shpikur për të fshehur të metat e shpirtit. Tema Fshehje, Mangësi, Mburrje
Çmenduria na ndjek gjatë gjithë jetës; nëse ndokush duket i urtë, kjo ndodh vetëm ngaqë çmenduritë e tij janë në baraspeshë me moshën dhe pasurinë e tij. Tema Çmenduri, Pasuri, Urtësi
Njerëzit e mëdhenj dinë të përcjellin shumë me pak fjalë; ndërsa të vegjlit flasin shumë për të mos thënë asgjë. Tema Fjalë, Madhështi, Të folurit, Vogëlsi
Kur urrejtja jonë është shumë e theksuar, ajo na ul një shkallë poshtë atyre që urrejmë. Tema Urrejtje
Edhe pse bota është e prirur të gjykojë keq, është më e lehtë që të njihet merita e rreme sesa të mohohet merita e vërtetë. Tema Gjykim, Meritë
Bota shpërblen më shpesh atë që duket si meritë sesa meritën e vërtetë. Tema Botë, Meritë, Shpërblim, Shtirje
Njerëzit mediokër zakonisht dënojnë gjithçka që është përtej mundësive të tyre. Tema Mediokritet, Vogëlsi
Aq shumë e kemi bërë zakon të jemi hipokritë me të tjerët saqë përfundojmë duke qenë hipokritë edhe me vetveten. Tema Hipokrizi, Të tjerët, Vetvetja
Shpeshherë njerëzit mburren me pasionet më brutale; por zilia është një pasion i turpshëm dhe i ndrojtur që askush nuk e rrëfen. Tema Krim, Mburrje, Rrëfim, Zili
Njerëzit jo vetëm që harrojnë të mirën që u është bërë, por edhe i urrejnë bamirësit e tyre. Tema Bamirësi, Harresë, Mosmirënjohje, Urrejtje
Armiqtë tanë, kur na gjykojnë, i afrohen së vërtetës shumë më tepër se ne. Tema Armiqësi, Gjykim, Vërtetësi
Njerëzit zakonisht gjykohen nga emri i mirë që gëzojnë ose nga pasuritë që zotërojnë. Tema Emër, Gjykim, Pasuri
Shumica e heronjve janë si disa piktura që, për t’i vlerësuar, nuk duhet t'i vëzhgosh nga afër. Tema Afërsi, Heroizëm, Shikim
