Pasuri

Ç’ka më të pakuptimtë sesa të mbledhësh më shumë furnizime për udhën, kur të ka mbetur më pak rrugë?

Ciceroni
Tema Jetëgjatësi, Pasuri

I varfëri i vërtetë është ai që keqpërdor atë që ka. I pasuri i vërtetë është ai që përdor mirë atë që ka.

Mikhail Naimy
Tema Pasuri, Përdorim, Varfëri

Njerëzit, edhe më të mirët, nuk e vënë aq theksin te të pasurit, sa te dëshira që të tjerët të mos kenë ose të kenë më pak.

Umberto Saba
Tema E mira, Pasuri, Varfëri

Asgjë nuk është më e zakonshme te njerëzit sesa lakmia për pasuri.

Giovanni Papini
Tema Lakmi, Pasuri

Me pasurinë, shtohen shqetësimet. Me varfërinë, nuk pakësohen.

Roberto Gervaso
Tema Pasuri, Shqetësim, Varfëri

Shpirti i njeriut është në kuletë. Kuleta bosh, lamtumirë shpirt!

Carlo Dossi
Tema Pasuri, Shpirt

Kur s’të japin gjë në shtëpinë e të pasurit, në shtëpinë e të varfrit diçka të japin. Ata që kanë shumë, shpesh janë koprracë; ata që kanë pak janë gjithmonë dorëdhënës.

Oscar Wilde
Tema Bujari, Koprraci, Pasuri, Varfëri

Trashëgimia më e madhe për fëmijët nuk janë pasuritë, por emri i mirë. Pasuritë humbin, emri i mirë mbetet.

Isokrati
Tema Fëmijë, Nam, Pasuri, Prind, Trashëgimi

Më mirë varfëri me drejtësi sesa pasuri me padrejtësi.

Isokrati
Tema Drejtësi, Padrejtësi, Pasuri, Varfëri

Nga të gjitha pasuritë, vetëm urtësia nuk mund të humbasë.

Isokrati
Tema Humbje, Pasuri, Urtësi

Më mirë të vdesësh nga uria, pa brengë e pa frikë, sesa të jetosh në begati, por i trazuar.

Epikteti
Tema Pasuri, Shqetësim, Uri, Vdekje

Babëzia e shfrenuar grumbullon pasuri, por bën një jetë të mjerë.

Epikuri
Tema Babëzi, Mjerim, Pasuri

Thjeshtësia është pasuria më e madhe.

Epikuri
Tema Pasuri, Thjeshtësi

Pasuria që kërkon natyra ka kufij dhe fitohet lehtë; pasuria që lind nga dëshirat e kota nuk ka fund.

Epikuri
Tema Kotësi, Natyrë, Pasuri

Megjithëse pasuria dhe pushteti mund të japin njëfarë sigurie ndaj njerëzve, siguria më e madhe vjen nga një jetë e qetë dhe larg turmës.

Epikuri
Tema Pasuri, Pushtet, Qetësi, Siguri, Turmë

Kur është koha më e mirë për të ngrënë drekë? Nëse je i pasur, kur të duash; nëse je i varfër, kur të mundesh.

Diogjeni
Tema Aforizma argëtuese, Pasuri, Ushqim, Vakt, Varfëri

Ka më shumë pasuri të mëdha sesa mendje të mëdha.

Luc de Clapiers de Vauvenargues
Tema Mendje, Pasuri

Revolucionet ndodhin kur i varfri nuk është i sigurt për integritetin e vet, i pasuri për pasurinë e vet dhe i pafajshmi për jetën e vet.

Joseph Joubert
Tema Pafajësi, Pasuri, Revolucion, Siguri, Varfëri

Të pasurit janë të detyruar të jenë të ndershëm; të varfrit, jo.

Anatole France
Tema Ndershmëri, Pasuri, Varfëri

Njeriu i varfër, por i pavarur, varet vetëm nga nevojat e veta; njeriu i pasur, por i varur, varet nga një ose më shumë njerëz.

Nicolas Chamfort
Tema Nevojë, Pasuri, Varfëri