Fjalë

Do të doja të isha nga ata njerëz që kishin pak për të thënë dhe e thanë me pak fjalë.

Jules Renard
Tema Fjalë, Shkurt

Pasqyra e vërtetë e fjalëve tona është mënyra si jetojmë.

Michel de Montaigne
Tema Fjalë, Jetë

Fjalët janë si lentet: gjithçka që nuk na ndihmojnë ta shohim më mirë, e mjegullojnë.

Joseph Joubert
Tema Fjalë, Shikim

Me disa njerëz fjala duhet përdorur si mamuzet me kuajt: rrallë, por fort.

Xavier Forneret
Tema Fjalë

Fjala nuk iu dha njeriut për të mashtruar të tjerët, por për të mashtruar veten.

Nicolás Gómez Dávila
Tema Fjalë, Mashtrim, Të tjerët, Vetvetja

Të përkufizosh do të thotë të rrethosh pafundësinë e një ideje me një mur fjalësh.

Samuel Butler
Tema Fjalë, Ide, Përkufizim

Fjalët janë si paratë: nuk ka gjë më të padobishme, përveçse kur përdoren.

Samuel Butler
Tema Aforizma argëtuese, Dobi, Fjalë, Para

Përdorimi i fjalëve të rralla është mungesë edukate letrare. Vetëm vështirësitë e mendimit duhen vënë përpara publikut.

Karl Kraus
Tema Edukatë, Fjalë, Publiku

“Mama” është fjala më e bukur, sepse kur e shqiptojnë buzët puthen dy herë.

Marcello Marchesi
Tema Fjalë, Nënë

A i ke dëgjuar ndonjëherë fjalët që nuk t’i thashë, kur ti ishe ëndrra ime e fshehur?

Andrea Bocelli
Tema Dëgjim, Ëndërr, Fjalë, Heshtje

Fotografia e vërtetë nuk kërkon shpjegim dhe nuk pranon të mbyllet brenda fjalëve.

Ansel Adams
Tema Fjalë, Fotografi, Shpjegim

Kur fjalët humbin qartësinë, mbështetem te fotografia. Kur edhe imazhi të mos mjaftojë më, do mjaftohem me heshtjen.

Ansel Adams
Tema Fjalë, Fotografi, Qartësi

Fjalët e tepërta e të paqarta, jeta nuk i do aspak.

Boris Pasternak
Tema Fjalë, Paqartësi

Jo fjala, por vepra tregon vlerën e njeriut.

Herodoti
Tema Fjalë, Vepër, Vlerë

Kur të t’i kem dhënë të gjitha fjalët e botës bashkë, do të shpik për ty trëndafilin.

Louis Aragon
Tema Fjalë, Trëndafil

Le ta themi troç: fjalët e shkurtra janë më të mirat. Dhe fjalët e vjetra, kur janë të shkurtra, janë absolutisht më të mirat.

Winston Churchill
Tema Fjalë, Shkurt

Fjala është e kohës, heshtja e përjetësisë.

Thomas Carlyle
Tema Fjalë, Heshtje, Kohë, Përjetësi

Më mirë të mos thuhen fare fjalët që nuk çojnë në veprim.

Thomas Carlyle
Tema Fjalë, Veprim

Për shumë njerëz fjala i paraprin mendimit. Ata e dinë se çfarë mendojnë vetëm pasi kanë dëgjuar atë që thonë.

Gustave Le Bon
Tema Fjalë, Mendim

Në fillim dashuria flet; pastaj, duke u thelluar në hiret e saj, mbetet pa fjalë.

Fulton John Sheen
Tema Dashuri, Fjalë, Të folurit