Luftë

Në luftën e ideve, vriten njerëzit.

Stanislaw Jerzy Lec
Tema Ide, Luftë, Njeri, Vrasje

Edhe një paqe e padrejtë është më e dobishme se lufta civile më e drejtë.

Ciceroni
Tema Drejtësi, Luftë, Padrejtësi, Paqe

Më mirë të luftosh përkrah pak njerëzve të virtytshëm kundër shumë të këqijve, sesa përkrah shumë të këqijve kundër pak njerëzve të virtytshëm.

Antisteni
Tema E keqja, Luftë, Virtyt

Ndoshta lufta është vetëm hakmarrja e kafshëve që kemi vrarë.

Jules Renard
Tema Hakmarrje, Kafshë, Luftë

Lufta civile është më pak e urryeshme se lufta kundër të huajit; të paktën aty dihet pse luftohet.

Anatole France
Tema Luftë, Luftë civile

Boja dhe fotografia po zëvendësojnë tanket dhe ushtarët. Pena po bëhet dita ditës më e fuqishme se shpata.

Marshall McLuhan
Tema Luftë, Media

Kur zotërinjtë bëjnë luftë mes tyre, fshatarët detyrohen të ushqehen me rrënjë.

Robert Louis Stevenson
Tema Dobësi, Forcë, Luftë

Një nga cilësitë e para të një njeriu me mend është të kuptojë kur ka humbur dhe të ndalojë luftën menjëherë.

Samuel Butler
Tema Cilësi, Humbje, Luftë

Në luftë, errësira nuk mban anën e askujt. Në dashuri, errësira vërteton se jemi bashkë.

John Berger
Tema Dashuri, Errësirë, Luftë

Nëse do paqen, përgatit luftën; nëse do luftën, përgatit bythën.

Marcello Marchesi
Tema Aforizma argëtuese, Luftë, Paqe

Lufta është një fatkeqësi kaq e madhe, përfundimi i saj kaq i pasigurt dhe pasojat kaq shkatërrimtare për një vend, saqë sundimtarët nuk do të mendojnë kurrë mjaftueshëm përpara se ta nisin.

Frederiku i Madh
Tema Fatkeqësi, Luftë, Pasojë

A nuk e dini se virtyti është një gjendje lufte dhe se për ta jetuar duhet të bësh vazhdimisht beteja me veten?

Jean-Jacques Rousseau
Tema Betejë, Luftë, Vetvetja, Virtyt

Lufta e zemrës kënaqet me shkaqe të lehta.

Fabrizio De André
Tema Luftë, Zemër

Duke rendur vendit tim kam kuptuar me qartësi, se nuk ka urrejtje as nuk ka luftë, kur në shtrat ka dashuri.

Raffaela Carrà
Tema Dashuri, Krevat, Luftë, Urrejtje

Fati sundon në të gjitha punët njerëzore, sidomos në luftë.

Tit Livi
Tema Fat, Luftë

Lufta është e drejtë vetëm kur s’ka rrugë tjetër; dhe armët janë të shenjta vetëm kur shpresa e vetme mbështetet mbi to.

Tit Livi
Tema Armë, Drejtësi, Luftë, Shpresë

Shfaqni gatishmërinë për luftë, dhe do të keni paqen.

Tit Livi
Tema Gatishmëri, Luftë

Kush lufton me atë që s’ka ç’të humbasë, e nis luftën me humbje.

Francesco Guicciardini
Tema Fitim, Humbje, Luftë

Ne jemi mësuar tashmë, që me fjalën trimëri të kuptojmë vetëm atë të luftës. Por kemi harruar një tjetër trimëri, trimërinë qytetare, pikërisht atë i duhet më shumë shoqërisë sonë, dhe që na mungon krejtësisht.

Aleksandër Sollzhenjicin
Tema Luftë, Qytetar, Trimëri

Na është dhënë vetëm një jetë, një e vetme, e vogël dhe e shkurtër. Dhe ne, në mënyrë kriminale, ose ia dorëzojmë mitralozit të të tjerëve, ose e përlyejmë në përballje të ndyra kriminale.

Aleksandër Sollzhenjicin
Tema Jetë, Krim, Luftë