Vrasje

Vetëm dy profesione paguhen për të vrarë: mjekët dhe xhelatët.

Salvator Rosa
Tema Mjek, Pagesë, Vrasje

Fjalët nuk janë të pafajshme. Ato mund të vrasin. Mund të rilindin.

Mia Couto
Tema Fjalë, Pafajësi, Vrasje

Mos merr jetën që nuk je në gjendje të japësh, sepse të gjitha gjërat kanë po të njëjtin të drejtë për të jetuar.

John Dryden
Tema E drejtë, Jetë, Vrasje

Po t’u duhej ta vrisnin vetë kafshën, shumica e atyre që hanë mish nuk do ta hanin më.

Leon Tolstoi
Tema Kafshë, Mishngrënës, Vrasje

Kur vret një njeri, atij i ke vjedhur jetën, gruas së tij i ke vjedhur të drejtën për të pasur një burrë, fëmijëve të tij u ke vjedhur babanë.

Khaled Hosseini
Tema Bashkëshortë, Fëmijë, Vjedhje, Vrasje

Vetëm një të drejtë ka njeriu… Të vrasë veten nëse i erret drita e trurit dhe e syve, po jo të vrasë tjetrin, që dëshiron të jetojë.

Petro Marko
Tema Vetëvrasje, Vrasje

Të vret pikërisht armiku që ti nënvlerëson.

Robert Jordan
Tema Armiqësi, Nënvlerësim, Vrasje

As i gjithë uji i lumenjve nuk e lan dot dorën e gjakosur të vrasësit.

Eskili
Tema Gjak, Vrasës, Vrasje

Të gjallit ia rrëmben jetën kollaj, por kush u vra, nuk ngjallet më pastaj.

Saadiu
Tema Gjallë, Vdekje, Vrasje

Ka njerëz të cilëve u duhet shtënë pa i lajmëruar fare, dhe as atëherë nuk e vlejnë plumbin që i shporr nga kjo botë.

Harper Lee
Tema Ligësi, Meritë, Vrasje

Kujtoni brigadat partizane, të cilat kërkonin me hî në çdo vrimë e skutë, dhe gjithshka shifshin u dukej vepër fashiste, balliste o reaksionare, dhe me supozime fantastike banin akuza imagjinare nga të cilat njerëzit burgoseshin o pushkatoheshin si pa gjâ të keq, madje me krenarinë se po i shërbejnë popullit e Partisë.

Zef Pllumi
Tema Akuzë, Komunizëm, Vrasje

Ka zotërinj që bëjnë sikur njohin çdo lëvizje të lojës së jetës, e që, duke qenë përgjithësisht në lartësi të çdo situate, kanë një konsideratë të lartë rreth aftësive vetjake dhe shprehen se janë gjithmonë të gatshëm për çfarëdolloj gjëje: nga hedhja e një monedhe në ajër e deri tek kryerja e një vrasjeje.

Charles Dickens
Tema Aftësi, Gatishmëri, Mburrje, Mendjemadhësi, Vetvetja, Vrasje

Çudë, njimend, me ba! Shqiptari, për nji krrabë, p'r'i rreth kulari, p'r'i krye lakne a 'i bisht purrini, pushkë m't'vllan ndo'iherë aj shtini.

Gjergj Fishta
Tema Hakmarrje, Shqiptar, Vrasje

Shqiptarët gjithmonë kanë pasur dëshirë të vrasin ose të vriten. Ata janë vrarë me njëri-tjetrin, kur nuk kanë pasur me kë të vriten. Keni dëgjuar për hakmarrjen e tyre?

Ismail Kadare
Tema Hakmarrje, Shqiptar, Vrasje

Ushtarëve, dihet, u jep një urdhër e ata vrasin, u jep një tjetër e ata vdesin.

José Saramago
Tema Urdhër, Ushtar, Vdekje, Vrasje

Ç’është ai që gëzohet duke vrarë një kafshë të Perëndisë.

Miguel de Cervantes
Tema Kafshë, Vrasje

Dy njerëz u vranë për një fjalë. Fjala rron ende, ndërsa njerëzit jo.

Dritëro Agolli
Tema Banalitet, Fjalë, Vrasje

Kapitalistin e fundit që do të varim do të jetë ai që na ka shitur litarin.

Karl Marx
Tema Kapitalizëm, Vrasje

Vëllazërimi është më i fortë se vëllavrasja, shpresa është më e fortë se vdekja, paqja është më e fortë se lufta.

Papa Françesku
Tema Luftë, Paqe, Shpresë, Vdekje, Vëlla, Vrasje

Tirania më e keqe nuk është ajo që vret nënshtetasit e saj, por ajo që s'u lejon as të vetëvriten.

Adriano Sofri
Tema Tirani, Vetëvrasje, Vrasje