Bota e lashtë nuk e njeh Dashurinë. Ajo njeh pasionin për gruan, miqësinë për mikun, drejtësinë për qytetarin, mikpritjen për të huajin. Tema Dashuri, Lashtësi
Urrejtja ndaj vetvetes dhe dashuria ndaj armiqve janë fillimi dhe fundi i krishterimit. Tema Armiqësi, Krishtërim, Urrejtje
Koprracia e njerëzve është aq e madhe, sa secili bën çmos që të marrë nga të tjerët sa më shumë dhe të japë sa më pak. Tema Dhënie, Koprraci, Marrje, Të tjerët
E gjithë historia e njerëzimit nuk është veçse tmerri i të qenët i dyti. Tema Garë, Histori, Njerëzim
Fatkeqësisht, ata që flasin keq për ne, pothuajse gjithmonë flasin mjaft bukur, ndërsa ata që flasin mirë për ne, pothuajse gjithmonë flasin mjaft keq. Tema Përgojim, Të folurit
Çdo ide, sado absurde të duket në pamje të parë, është një shkëndijë që, me kalimin e kohës, i vë flakën botës. Tema Ide, Rrezik
Njeriu përdor të qeshurën për të marrë hak ndaj atyre pa të cilët nuk mund të bëjë dot në ditët e dridhjes, të dhimbjes dhe të tmerrit. Tema Hakmarrje, Qeshje
Ekzistenca e njeriut është një nga provat më të sigurta të ekzistencës së Zotit. Tema Ekzistencë, Njeri, Zot
Ai që aspiron të fluturojë, ose dikur ka pasur krahë, ose është i destinuar t’i ketë në një të ardhme të largët. Tema Fluturim, Krahë
Njeriu nuk është tjetër veçse një katërkëmbësh kokëfortë dhe keqdashës, që, nga kryelartësia, arrin të qëndrojë drejt mbi këmbët e pasme. Tema Kokëfortësi, Njeri
Kur shpallet një amnisti e madhe, ka nga ata që pendohen që nuk kanë kryer në kohën e duhur ndonjë krimth që nuk do t’u kushtonte asgjë. Tema Amnisti, Krim, Pendim
Shkolla u bën më shumë dëm sesa dobi mendjeve në formim. U mëson një mori gjërash të padobishme, të cilat më pas duhet t’i çmësojnë, për të mësuar vetë shumë të tjera. Tema Dëm, Dobi, Shkollë
Disa s’thonë asgjë, por e thonë bukur; të tjerë thonë shumë, por e thonë keq. Më rëndë janë ata që s’thonë asgjë dhe e thonë keq. Tema Aforizma argëtuese, Bukuri, Shëmti, Të folurit
Ditët e shtatorit janë, deri në mbrëmjen e fundit, strofa klasike, të ajrosura e melodioze, që me afrimin e natës bëhen tmerrësisht romantike e të errëta. Tema Romanticitet, Stinë
Krimi ndëshkohet kur është i vogël, por kur është i madh lëvdohet dhe shpërblehet. Tema Krim, Lëvdatë, Madhësi, Shpërblim, Vogëlsi
Poezia është aq magjike saqë edhe poetët vetë janë të fundit që kuptojnë ndonjë gjë prej saj. Tema Kuptim, Magji, Pasuri
Çdo gjë që vërtet dëshirohet është e pamundur për njerëzit. Çdo gjë që është e mundur, zhgënjen, pra s’është e dëshirueshme. Tema Deshirim, Pamundësi, Zhgënjim
