Botë

Çdo brez pandeh se i takon atij ta krijojë botën.

Albert Camus
Tema Botë, Brez

Bota është shumë e bukur, sepse është vepër e Zotit.

Talesi i Miletit
Tema Botë, Bukuri, Zot

Bota është pa dyshim një makinë e mrekullueshme; prandaj në botë ekziston një inteligjencë e mrekullueshme, kudo që të jetë ajo.

Volteri
Tema Botë, Mrekulli, Zot

Askush nuk merret me punët e botës pa u prekur sadopak nga lakmia.

Joseph Joubert
Tema Botë, Lakmi, Të tjerët

Ëndrrat e bukura për botën janë si shkëndijë që flakërojnë mbi akull.

Xavier Forneret
Tema Akull, Botë, Ëndërr

Bota është një xhelat që nuk e përgatit zemrën që godet.

Xavier Forneret
Tema Botë, Xhelat, Zemër

Më në fund po largohem nga kjo botë, ku zemra ose copëtohet, ose ngurtësohet.

Nicolas Chamfort
Tema Botë, Dhimbje, Mizori

Dashuria ka triumfuar mbi botën; këtë e dëshmon fakti se ajo i përgjigjet të keqes me të mirë.

Søren Kierkegaard
Tema Botë, Dashuri, E keqja, E mira, Triumf

Çdo kulturë dhe çdo epokë ka mënyrën e vet të parapëlqyer për të perceptuar dhe njohur botën, dhe priret t’ua imponojë atë të gjithëve.

Marshall McLuhan
Tema Botë, Imponim, Njohje

Bota mund të mos jetë veçanërisht e mençur; megjithatë nuk njohim asgjë më të mençur se ajo.

Samuel Butler
Tema Botë, Mençuri

Qielli zemërohet me ne për mëkatet tona; bota për virtytet tona.

Moritz Gottlieb Saphir
Tema Botë, Mëkat, Virtyt

Bota ecte më mbarë kur udhëtonim me pajton; sot edhe një shitës fluturon. Ç’vlerë ka koha e fituar, kur trurin e kemi lënë rrugës?

Karl Kraus
Tema Aksident, Botë, Ngut

Gjithmonë ka qenë kështu dhe kështu do të jetë gjithmonë: koha dhe bota, paratë dhe pushteti u përkasin të vegjëlve dhe sipërfaqësorëve, ndërsa të tjerët, njerëzit e vërtetë, nuk do të kenë asgjë.

Hermann Hesse
Tema Botë, Para, Pushtet

Kur gëzimi ose dhimbja bëhen të mëdha, bota bëhet e vogël.

Khalil Gibran
Tema Botë, Dhimbje, Gëzim

Bota është pasqyrimi i ndjeshmërisë dhe i mendimit të një grushti njerëzish të lartë.

Gabriele D’Annunzio
Tema Botë, Mendim

Gjithçka që ka rini, pra të ardhme, do të gjejë jehonë në botë dhe do të kumbojë në të.

Robert Schumann
Tema Botë, Jehonë, Rini

Kjo tokë është e jotja, kjo tokë është e imja, sigurisht; por në fund të fundit, bota drejtohet nga ata që kurrë nuk dëgjojnë muzikë.

Bob Dylan
Tema Botë, Muzikë, Tokë

Janë gratë ato që e bëjnë botën; burrat janë gjithmonë aty për ta shkatërruar.

Giovanni Lindo Ferretti
Tema Botë, Burrë, Grua, Shkatërrim

Nuk mbaron bota vetëm sepse ti nuk je e gjithë bota.

Dente
Tema Botë, Fund

Ke dy rrugë: ose të vazhdosh të ankohesh në mjerimin tënd, ose thjesht ta fashitësh zemërimin tënd ndaj botës dhe të pranosh realitetin. Jepi vetes shansin të jetosh.

Ricky Gervais
Tema Botë, Mjerim, Rrugë, Zemërim