Diletant është ai që nuk është në lartësinë e ideve të veta, por megjithatë krenohet me to. Tema Ide, Përvojë
Është e vështirë të dallosh kur marrëzia duket si poshtërsi dhe kur poshtërsia duket si marrëzi. Prandaj është e vështirë të gjykohen drejt politikanët. Tema Marrëzi, Politikë, Poshtërsi
Asnjë fytyrë nuk është e shëmtuar nëse tiparet e saj shprehin aftësinë e një pasioni të vërtetë dhe paaftësinë e një gënjeshtre. Tema Fytyrë, Gënjeshtër, Pasion, Shëmti
Vetëm drejtimi është real, pikësynimi është përherë fiktiv, edhe pikësynimi i arritur, sidomos ai i arrituri. Tema Drejtim, Qëllim
Urtësisë sate i besoj vetëm kur buron nga zemra; mirësisë sate i besoj vetëm kur buron nga arsyeja. Tema Arsye, Mirësi, Urtësi, Zemër
Të gënjesh për një arsye të qartë, është pothuajse si të jesh i besës. Tema Arsye, Besnikëri, Gënjeshtër
Nëse besnikëria nuk është një dhuratë reciproke, atëherë ajo është shkapërderdhja më idiote. Tema Besnikëri, Reciprocitet
Nuk është besimi i tepërt, por mungesa e fantazisë, gjëja që ia bën kaq të vështirë mashkullit të besojë tek tradhtia e femrës që do. Tema Besim, Burrë, Fantazi, Grua, Tradhti
Në zemrën e secilës aforizmë, sado e re apo paradoksale që të duket, pulson një e vërtetë antike. Tema Aforizmë, E vërteta
Edhe ata që na duan e na respektojnë nuk ndihen rehat në praninë tonë nëse akoma nuk kanë zbuluar pikën tonë të dobët. Tema Dobësi, Prani, Respekt
Kujdes nga njerëzit modestë: nuk ia ke idenë se me ç’krenari të rrallë kultivojnë dobësitë që kanë. Tema Dobësi, Krenari, Modesti
Të jesh gati është gjë e mirë, të dish të presësh është edhe më mirë, por të dish të shfrytëzosh çastin është gjëja kryesore. Tema Gatishmëri, Pritje, Shfrytëzim
Dëgjo se çfarë thonë shpifësit, kështu mund ta mësosh të vërtetën mbi vetën tënde. Tema Dëgjim, E vërteta, Shpifje, Vetvetja
Një grua e kërkon me kënaqësi këshillën e të shoqit, qoftë edhe vetëm për të mos e ndjekur. Tema Aforizma argëtuese, Bashkëshortë, Burrë, Grua, Këshillë, Shpërfillje
Kokëfortësia është e vetmja forcë e të dobëtit, dhe një dobësi më tepër. Tema Dobësi, Forcë, Kokëfortësi
Në botë nuk ka më fukara se pasanikun që nuk di të shijojë pasurinë që ka. Tema Kënaqësi, Pasuri, Varfëri
Mjerë ai njeri i cili, në vend që të jetojë jetën e vet, jeton autobiografinë e vet. Tema Jetë, Mjerim
