Ngjashmëri

Duhet t’u ngjash pak të gjithëve për të kuptuar çdo njeri; por duhet të mos i ngjash askujt për të qenë vetvetja.

Paul Valéry
Tema Ngjashmëri, Të tjerët, Vetvetja

Mësojmë vetëm nga ata që janë krejt të ndryshëm nga ne. Qetësinë e gjejmë pranë atyre që na ngjajnë.

Elias Canetti
Tema Mësim, Ndryshim, Ngjashmëri, Qetësi

Fëmijët e tu nuk janë fëmijët e tu. Ata janë bijtë dhe bijat e dëshirës që jeta ka për vetveten. Mund të përpiqesh të jesh si ata, por mos kërko t’i bësh si veten.

Khalil Gibran
Tema Fëmijë, Ngjashmëri, Prind

Ata që dashurojnë nisen drejt imazheve të atyre që duan, duke gjetur ngushëllim në bisedat me trajtat që i ngjasojnë origjinalit.

Leonardo da Vinci
Tema Dashuri, Ngjashmëri, Ngushëllim

Kaltërsia e qiellit nuk është e njëjtë kudo, dhe as dielli nuk shkëlqen njësoj në çdo vend.

Marjane Satrapi
Tema Ngjashmëri, Qiell

Vetëm jeta e ngjashme me jetët e atyre që të rrethojnë është jetë e vërtetë. Lumturia e veçuar nuk është lumturi.

Boris Pasternak
Tema Jetë, Lumturi, Ngjashmëri

Ngjashmëritë janë hija e ndryshimeve. Njerëz të ndryshëm shohin ngjashmëri të ndryshme dhe ndryshime të ngjashme.

Vladimir Nabokov
Tema Ndryshim, Ngjashmëri

Duhet bërë kujdes në zgjedhjen e armiqve, sepse pikërisht atyre u ngjajmë.

Jorge Luis Borges
Tema Armiqësi, Kujdes, Ngjashmëri, Zgjedhje

Njerëzit e mirë i ngjajnë njëri-tjetrit kudo.

Primo Levi
Tema E mira, Ngjashmëri

Duke udhëtuar vërehet se ndryshimet po humbasin: çdo qytet po i ngjan të gjitha qyteteve, vendet shkëmbejnë forma, rende, distanca; një pluhur i paformë po i pushton kontinentet.

Italo Calvino
Tema Ngjashmëri, Udhëtim

Në thelb, burri e gruaja janë identik’, veçse burri nuk është po aq fisnik.

Niccolò Forteguerri
Tema Burrë, Fisnikëri, Grua, Ngjashmëri

Ose njëra ose tjetra: ose njeriu është krijuar në shëmbëlltyrën e Zotit dhe Zoti ka rropulli, ose Zoti nuk ka rropulli dhe njeriu nuk i ngjan atij.

Milan Kundera
Tema Krijim, Ngjashmëri, Njeri, Zot

Kur qirinjtë janë të shuar, të gjitha macet janë gri.

John Heywood
Tema Errësirë, Ngjashmëri

A s’e ke vënë re që në popujt e fortë ka një njëtrajtësi të jashtëzakonshme njerëzish?

Dino Buzzati
Tema Ngjashmëri, Popull

Dashuria është aftësia për të dalluar ngjashmërinë tek pangjashmëria.

Theodor W. Adorno
Tema Dashuri, Ngjashmëri

Të mos lëvdohet kot me paraardhësit e tij fisnikë, ai që nuk ngjason me ta në asnjë pikë.

Luigi Fiacchi
Tema Lëvdatë, Ngjashmëri, Prejardhje

Servilët u ngjajnë miqve si ujqërit qenve.

George Chapman
Tema Miqësi, Ngjashmëri, Servilizëm

Ne nuk marrim pjesë në lavdinë e të parëve tanë nëse nuk përpiqemi t’u ngjajmë.

Molieri
Tema Fisnikëri, Ngjashmëri, Prejardhje

Liria dhe shëndeti janë të ngjashme: vlera e tyre kuptohet vetëm kur na mungojnë.

Henry Becque
Tema Liri, Mungesë, Ngjashmëri, Shëndet, Vlerë

Në një mënyrë ose në një tjetër, bisedat njerëzore u ngjajnë dramave ose komedive.

Ismail Kadare
Tema Bisedë, Dramë, Komedi, Ngjashmëri