Cili është dallimi mes një të binduri dhe një të mashtruari? Asnjë, nëse mashtrimi ka qenë i mirë. Tema Bindje, Dallim, Mashtrim
Aforizma është forma e përjetësisë; ambicia ime është të them në dhjetë fjali atë që të tjerët thonë në një libër, atë që askush tjetër nuk e thotë në një libër. Tema Aforizmë, Përjetësi
Filozofi dallohet prej shmangies së tij nga tri gjëra verbuese e zhurmuese: lavdia, pushteti dhe gratë. Tema Filozofi, Grua, Lavdi, Pushtet, Shmangie
Kur dashuria dhe urrejtja nuk marrin pjesë në lojë, loja e femrës bëhet mediokre. Tema Dashuri, Grua, Urrejtje
Nuk është forca, por kohëzgjatja e ndjenjave të larta ajo që i bën njerëzit fisnikë. Tema Fisnikëri, Kohëzgjatje, Ndjenjë
Nuk duhet të rrimë të lidhur pas askujt, qoftë edhe njeriu më i dashur: çdo njeri është një burg, madje është një skutë. Tema Burg, Lidhje, Të tjerët
Ajo që për njeriun e lartë është ushqim dhe forcë, për atë të një natyre më të ulët bëhet pothuajse helm. Tema Dobësi, Forcë, Helm, Ushqim
Nëse doni të ngjiteni lart, përdorni këmbët tuaja! Mos lejoni që t’ju ngrejnë të tjerët, mos hipni mbi shpinë a mbi qafë të tjetërkujt! Tema Karrierë, Lartësi, Të tjerët, Vetvetja
“Pse kaq i fortë?” - i tha njëherë karboni diamantit; “a nuk jemi vallë të afërm?” - “Pse kaq të butë, vëllezërit e mi, këtë po ju pyes unë: a nuk jeni edhe ju, vëllezërit e mi?” Tema Butësi, Forcë
Jeta është një burim kënaqësie; por për atë që dëgjon stomakun e sëmurë, atin e trishtimit, çdo burim është i helmuar. Tema Jetë, Kënaqësi
Qysh se ekzistojnë, njerëzit kanë shijuar gjithmonë fare pak: vetëm ky është mëkati ynë origjinal, o vëllezër! Tema Kënaqësi, Mëkat, Njeri
Fama lind kur mirënjohja e shumë njerëzve ndaj një njeriu humbet çdo ndjenjë turpi. Tema Famë, Mirënjohje, Turp
“Njih vetveten” është e gjithë shkenca. Vetëm në fund të njohjes së të gjitha gjërave, njeriu do të ketë njohur veten. Sepse gjërat nuk janë tjetër veçse kufijtë e njeriut. Tema Njohje, Vetvetja
