Jorge Luis Borges

Asgjë nuk ndërtohet mbi gur; gjithçka ndërtohet mbi rërë, por ne duhet të ndërtojmë sikur rëra të ishte gur.

Tema Dobësi, Forcë, Ndërtim

Çdo jetë përbëhet prej një momenti të vetëm, momenti kur njeriu e zbulon, njëherë e mirë, se kush është ai.

Tema Çast, Identitet, Vetvetja

Duhet bërë kujdes në zgjedhjen e armiqve, sepse pikërisht atyre u ngjajmë.

Tema Armiqësi, Kujdes, Ngjashmëri, Zgjedhje

Ideja e një Zoti, e një qenieje që di gjithçka, që ka pushtet mbi gjithçka, e që për më tepër na do, është një nga krijimet më të guximshme të letërsisë fantastike.

Tema Krijim, Letërsi, Zot

E ardhmja nuk është ajo që do të ndodhë, por ajo që ne do të bëjmë.

Tema E ardhme

Gjithmonë e kam imagjinuar parajsën si një lloj biblioteke.

Tema Bibliotekë, Parajsë

Të dashurohesh është t'i japësh jetë një feje, zoti i së cilës është i gabueshëm.

Tema Dashuri, Fe, Gabim, Zot

Çdo gjuhë është një alfabet simbolesh, përdorimi i të cilave supozon një të kaluar që bashkëbiseduesit e saj e ndajnë.

Tema Gjuhë

Në gjuhët njerëzore nuk ka fjali që të mos nënkuptojë tërë universin.

Tema Gjuhë, Univers

Nuk ka njeri që, jashtë fushës së tij të kompetencës, të mos jetë i prirur ndaj besueshmërisë.

Tema Besueshmëri, Kompetencë

Sipërmarrja ime nuk është e vështirë, në thelb. Mjafton që të jem i pavdekshëm për ta çuar deri në fund.

Tema Aforizma argëtuese, Sipërmarrje, Vështirësi

Poezia është po aq e mistershme sa edhe elementet e tjera të universit.

Tema Mister, Poezi

Vdekja është një zakon që, herët a vonë, të gjithë duhet ta respektojmë.

Tema Vdekje, Zakon

Njerëzit që s’e qasin shoqi-shoqin, janë shpëtimtarët e botës.

Tema Botë, Shoqëri, Shpëtim

Kush përqafon një grua është Adami. Gruaja është Eva. Gjithçka ndodh për herë të parë.

Tema Përqafim, Risi

E tërë e shkuara kthehet si një dallgë dhe tërë ato gjëra të lashta janë këtu vetëm ngaqë një femër të ka puthur.

Tema Dashuri, E shkuar, Puthje

Parajsat e vetme që nuk i ndalohen njeriut janë parajsat e humbura.

Tema Humbje, Parajsë

Mposhtja zotëron një dinjitet që fitorja e bujshme nuk e meriton.

Tema Dinjitet, Fitore, Mposhtje

Çfarë është jetëgjatësia? Është tmerri i të qenët në një trup njerëzor, të cilit i shterojnë cilësitë.

Tema Jetëgjatësi

Çdo dhuratë e vërtetë është reciproke. Ai që jep, nuk mbetet pa atë që jep. Dhënia dhe marrja janë e njëjta gjë.

Tema Dhuratë, Marrje, Reciprocitet