Qeveri

Një qeveri aq e madhe sa të na japë gjithçka që duam, është edhe aq e madhe sa të na marrë gjithçka që kemi.

Gerald Ford
Tema Forcë, Gjithçka, Qeveri

Qeveria është si çdo gjë tjetër në këtë botë: që ta ruash, duhet ta duash.

Montesquieu
Tema Qeveri, Ruajtje

Udhëheqësi që e zotëron artin e qeverisjes së njerëzve, i shfrytëzon dobësitë e tyre për t'ua frenuar veset.

Pierre-Marc-Gaston de Lévis
Tema Dobësi, Qeveri, Udhëheqje, Ves

Përkufizimi i një qeverisjeje despotike: një rend ku sunduesi është i poshtër dhe i sunduari është i poshtëruar.

Nicolas Chamfort
Tema Poshtërim, Poshtërsi, Qeveri, Tirani

Çfarë është një qeveri? Asgjë, nëse nuk mbështetet nga opinioni publik.

Napoleoni
Tema Opinion, Qeveri

Një qeverie të padrejtë i bën më shumë dëm martiri sesa rebeli.

Massimo d’Azeglio
Tema Martir, Qeveri, Rebelim

Fitoret u duhen qeverive, kurse disfatat popujve. Pas fitoreve kërkohen fitore të reja, kurse pas pas disfatave kërkohet liri.

Aleksandër Sollzhenjicin
Tema Disfatë, Fitore, Popull, Qeveri

Ne nuk kemi qeveri të shumicës, por qeveri të shumicës aktive.

Thomas Jefferson
Tema Qeveri, Shumicë

Moti është si qeveria: nuk bën kurrë gjënë e duhur.

Jerome K. Jerome
Tema Aforizma argëtuese, Mot, Qeveri

Mjetet që përdoren për të rrëzuar pushtetin bëhen pjesë e qeverisjes së ardhshme.

Peter Kropotkin
Tema Pushtet, Qeveri

Ai që kërkon të bindë një turmë se qeveria e tyre nuk është aq e mirë sa do të donin ata, nuk do të mbesë kurrë pa dëgjues të vëmendshëm dhe të njëmendshëm.

Richard Hooker
Tema Dëgjim, Fajësim, Qeveri

Doja të përmbysja qeverinë, por gjithçka që arrita të vija përmbys ishte gruaja e njërit.

Charles Bukowski
Tema Aforizma argëtuese, Qeveri, Revoltë, Seks

Sa herë që një qeveri nis t’u premtojë paqe e begati qytetarëve të saj, është çasti për t’i bërë sytë katër e për të pritur pikërisht të kundërtën.

Ivo Andriç
Tema Kujdes, Premtim, Qeveri

Fatkeqësia e sundimtarëve është se ata nuk duan ta dëgjojnë të vërtetën.

Johann Jacoby
Tema Qeveri, Vërtetësi

Qeveritë dhe qeveritarët kanë vetëm pushtetin që u atribuohet; sepse pushteti nuk jepet, ai merret.

Auguste Hilarion de Kératry
Tema Pushtet, Qeveri

Sovranët nuk duhet të harrojnë kurrë se meqë populli është gjithmonë një fëmijë, qeveria duhet të jetë gjithmonë një baba.

Antoine de Rivarol
Tema Baba, Drejtues, Fëmijë, Prind, Qeveri

Qeveria nuk është krijuar për rehatinë dhe kënaqësinë e atyre që qeverisin.

Honoré Gabriel Riqueti de Mirabeau
Tema Kënaqësi, Qeveri

Qeverisja e tepërt është rreziku më i madh i qeverive.

Honoré Gabriel Riqueti de Mirabeau
Tema Qeveri, Rrezik, Tepri

Qeveria më e padëmshme është ajo që duket më pak, që dëgjohet më pak dhe që paguhet më pak.

Alfred de Vigny
Tema Dëm, Qeveri

Qeveria është një mjet i urtësisë njerëzore për të siguruar nevojat njerëzore. Njerëzit kanë të drejtë t’i plotësojnë këto nevoja.

Edmund Burke
Tema Nevojë, Njerëzim, Qeveri, Urtësi