Fajësim

Kur e akuzojmë një njeri për fajin e tij, nuk bëjmë tjetër veçse ia rrënjosim atë edhe më thellë.

Inayat Khan
Tema Akuzë, Fajësim

Me të vërtetë i mirë është njeriu i rrallë që s’i fajëson kurrë të tjerët për të këqijat që u ndodhin.

Paul Valéry
Tema E keqja, Fajësim, Të tjerët

Unë digjesha e ti më fajësoje për erën e hirit.

Fjodor Dostojevski
Tema Fajësim, Sakrificë

Ai që kërkon të bindë një turmë se qeveria e tyre nuk është aq e mirë sa do të donin ata, nuk do të mbesë kurrë pa dëgjues të vëmendshëm dhe të njëmendshëm.

Richard Hooker
Tema Dëgjim, Fajësim, Qeveri

Kur ndodhin tragjedi të pazgjidhshme, krijimi i një fajtori shëron ndjesinë e paaftësisë.

Silvana De Mari
Tema Fajësim, Paaftësi, Tragjedi

Kush vetëshpallet i pafe, fajësohet paraprakisht, edhe nëse ky është njeriu më i ndershëm në botë.

Frederiku i Madh
Tema Fajësim, Fe, Ndershmëri

Mos fajësoni gratë se janë ato që janë: ishim ne që i bëmë kështu, duke zhbërë punën e natyrës në çdo aspekt.

Alfred de Musset
Tema Burrë, Fajësim, Grua

Mos e fajëso paqëndrueshmërinë e gjërave! Ti nuk kupton as zemrën tënde; shpirtrat janë të ndryshueshëm, e kështu duhet të jenë edhe gjërat.

Christian Fürchtegott Gellert
Tema Fajësim, Gjëra, Kuptim

Për të bërë gjëra të denja për lëvdata, një nga kushtet kryesore është të mos kesh frikë nga fajësimi.

Arturo Graf
Tema Fajësim, Lëvdatë

Të fajësosh të riun se është i dashuruar është si të fajësosh dikë se është i sëmurë.

Charles Pinot Duclos
Tema Dashuri, Fajësim, Rini

Çështja është se kur jeni në çastin që po e bëni me një femër, ajo vazhdon të ju thotë gjatë gjithë kohës që të ndaloni. Është e vështirë të kuptohet nëse ato vërtet duan që të ndaloni, apo thjesht kanë një frikë të tmerrshme; apo ju thonë që të ndaloni, në mënyrë që, nëse vazhdoni, faji është i juaji dhe jo i tyre.

J. D. Salinger
Tema Aforizma argëtuese, Fajësim, Frikë, Grua, Kuptim, Ndalim

Kemi përherë nevojë të fajësojmë dikë për dëmet dhe fatkeqësitë tona.

Luigi Pirandello
Tema Fajësim, Fatkeqësi

Nga diçka ku duket sikur nuk ka asgjë, nxjerr një faj të madh.

Franz Kafka
Tema Faj, Fajësim

Pothuajse e gjithë palumturia e jetës vjen nga prirja për t’ia hedhur fajin dikujt tjetër.

Brian Tracy
Tema Fajësim, Palumturi

Përgojimi i të tjerëve u pëlqen kaq shumë njerëzve, saqë është e vështirë të rrimë pa fajësuar njeri që t’u bëjmë qejfin e bashkëbiseduesve tanë.

Leon Tolstoi
Tema Fajësim, Pëlqim, Përgojim

Ka nga ata që do të gjenin faje edhe tek përskuqja e agut, po të zgjoheshin aq herët.

Henry David Thoreau
Tema Fajësim, Mëngjes

Cili është ai njeri që ka fajësuar vetveten për tersin e tij?

William Graham Sumner
Tema Fajësim, Ters, Vetvetja

Ai që dashuron me të vërtetë bën dhe gabime, ndërsa ai që nuk dashuron të bën gjithmonë fajtor!

Adelina Pali
Tema Dashuri, Fajësim, Gabim

Fajësimi që u bëjnë të rinjve është një anë e nevojshme e shëndetit të të moshuarve: i ndihmon shumë me qarkullimin e gjakut.

Logan Pearsall Smith
Tema Aforizma argëtuese, Fajësim, Moshë, Rini, Shëndet

Njerëzit që ankohen për gjendjen e tyre ua hedhin gjithnjë fajin rrethanave.

George Bernard Shaw
Tema Ankim, Fajësim, Gjendje, Rrethanë