Akuzë

Kur e akuzojmë një njeri për fajin e tij, nuk bëjmë tjetër veçse ia rrënjosim atë edhe më thellë.

Inayat Khan
Tema Akuzë, Fajësim

Është më e lehtë të akuzosh një njeri sesa të shpallësh të pafajshëm një tjetër.

Montesquieu
Tema Akuzë, Pafajësi

Akuzojmë të afërmin për gjëra të lehta, dhe shfajësojmë veten për gjëra të mëdha.

François de Sales
Tema Akuzë, Faj, Të afërm, Të tjerët, Vetvetja

Ndjenja e fajit i ka veshët gjithmonë gati për të dëgjuar akuza.

Henry Fielding
Tema Akuzë, Faj

Njerëzit mund t’i akuzosh për shumë gjëra e sidomos për përtaci. Por kurrsesi për gjumë. Të gjithë flenë, qysh nga fillimi i botës, e kështu do të flenë gjer në mbarim të saj.

Ismail Kadare
Tema Akuzë, Gjumë, Përtaci

Kujtoni brigadat partizane, të cilat kërkonin me hî në çdo vrimë e skutë, dhe gjithshka shifshin u dukej vepër fashiste, balliste o reaksionare, dhe me supozime fantastike banin akuza imagjinare nga të cilat njerëzit burgoseshin o pushkatoheshin si pa gjâ të keq, madje me krenarinë se po i shërbejnë popullit e Partisë.

Zef Pllumi
Tema Akuzë, Komunizëm, Vrasje

Të akuzosh tjetrin se dashuron apo braktis dikë është budallallëk. Dashuria dhe urrejtja nuk janë në dorën tonë.

Anton Çehov
Tema Akuzë, Dashuri, Urrejtje

Një akuzë e rreme përgënjeshtrohet menjëherë, dhe sjelljet e ardhshme u japin arsye gjykimi sjelljeve të shkuara.

Jeronimi
Tema Akuzë, Gjykim, Përgënjeshtrim, Sjellje

Mjafton të kemi personin… se akuzën ia sigurojmë ne.

Aleksandër Sollzhenjicin
Tema Akuzë

I urti e gjen tek vetja shkakun e gabimeve të tij, budallai akuzon të tjerët.

Éric-Emmanuel Schmitt
Tema Akuzë, Budalla, Gabim, Të tjerët, Urtësi, Vetvetja

Duhet pasur veshë dyshues për të dëgjuar akuza.

Publilius Syrus
Tema Akuzë, Dyshim

Viktima do të vihet nën akuzë.

Plini Plak
Tema Akuzë, Viktimë

Kush akuzon tjetrin për një faj, të sigurohet se nuk është fajtor edhe ai vetë.

Plauti
Tema Akuzë, Faj, Fajtor

Partia që e merr meritën për shiun që bie, nuk duhet të habitet kur opozitarët ta akuzojnë për thatësirën.

Dwight Morrow
Tema Akuzë, Meritë, Opozitë, Parti

Kush shfajësohet, vetë-akuzohet.

Gabriel Meurier
Tema Akuzë, Fajësim

Shpesh, letërsia akuzohet se ua thjeshton të burgosurve arratisjen nga realiteti.

Stanislaw Jerzy Lec
Tema Akuzë, Arratisje, Burg, Letërsi

Të të akuzojnë është në vetvete një dënim.

Franz Kafka
Tema Akuzë, Ndëshkim

Janë librat që njeriu lexon ata që e akuzojnë më së shumti.

Victor Hugo
Tema Akuzë, Libër

Njerëzit e devotshëm, në pamundësi për të akuzuar Zotin për ligësi, mësohen t’i konsiderojnë të këqijat që u bien mbi kurriz si prova të pamohueshme të dhembshurisë qiellore.

Paul Thiry d'Holbach
Tema Akuzë, Devocion, E keqja, Empati, Zot

Ithtarët e kulteve të ndryshme akuzohen reciprokisht për besëtytni dhe blasfemi. Kanë të drejtë të gjithë.

Paul Thiry d'Holbach
Tema Akuzë, Besëtytni, Blasfemi, Fe