Lumturia dhe fatkeqësia e njerëzve varen jo më pak nga natyra e tyre sesa nga fati. Tema Fat, Fatkeqësi, Lumturi, Natyrë
Për t'u afirmuar në shoqëri, bëjmë gjithçka që të dukemi sikur jemi tashmë të afirmuar. Tema Pranim, Shoqëri
Sado të ndryshme që të duken fatet, ka gjithmonë njëfarë kompensimi mes të mirave dhe të këqijave që i barazon ato. Tema Barazi, E keqja, E mira, Fat
Lumturia qëndron te shija, jo te gjërat; njeriu është i lumtur sepse ka atë që i pëlqen, dhe jo sepse ka atë që u pëlqen të tjerëve. Tema Lumturi, Shije
E keqja që bëjmë nuk na sjell aq përndjekje dhe urrejtje sa cilësitë tona të mira. Tema Cilësi, E keqja, Urrejtje
Filozofia triumfon lehtësisht mbi të këqijat e shkuara dhe mbi ato që do të vijnë. Por të këqijat e tanishme triumfojnë mbi të. Tema E ardhme, E shkuar, E tashme, Filozofi
Në zemrën e njeriut pasionet lindin pandërprerë; shuarja e njërit përkon pothuajse gjithmonë me lindjen e një tjetri. Tema Pasion
Ajo që shpesh na pengon t’i jepemi një vesi të vetëm është se kemi disa të tillë. Tema Përkushtim, Ves
Shumica e njerëzve, ashtu si bimët, kanë cilësi të fshehura të cilat i zbulon rastësia. Tema Cilësi, Njeri, Rastësi
Është më e lehtë të njohësh njerëzimin në përgjithësi sesa një njeri në veçanti. Tema Njerëzim, Njohje
Ka shumë njerëz që priten mirë në shoqëri sepse nuk kanë merita të tjera përveç veseve të nevojshme në tregtinë e jetës. Tema Meritë, Shoqëri, Ves
