Shpesh i falim ata që na mërzitin, por nuk mund t'i falim ata që mërziten me ne. Tema Mërzi, Të tjerët, Vetvetja
Gjithmonë i duam ata që na admirojnë; por jo gjithmonë i duam ata që admirojmë. Tema Admirim, Dashuri
Ajo që duket si bujari, shpesh nuk është veçse ambicie e maskuar, e cila përbuz interesin e vogël për t'iu kushtuar interesit më të madh. Tema Ambicie, Bujari, Interes
E mira që kemi marrë nga dikush na shtyn të durojmë të keqen që ai na bën. Tema Durim, E keqja, E mira
Nganjëherë ankohemi pa të drejtë për miqtë tanë, që të justifikojmë paraprakisht sjelljen tonë të papërgjegjshme ndaj tyre. Tema Ankesë, Miqësi, Përgjegjësi
Merita jonë na fiton vlerësimin e njerëzve të ndershëm, ndërsa fati ynë atë të publikut. Tema Fat, Meritë, Ndershmëri
Po të mos ia bënim vetes lajka, lajkat e të tjerëve nuk do të mund të na dëmtonin. Tema Dëm, Lajkë, Të tjerët, Vetvetja
Pak njerëz janë aq të mençur sa të parapëlqejnë një qortim të dobishëm në vend të një lëvdate të rreme. Tema Kritikë, Lëvdatë, Mençuri
Jemi mësuar aq shumë të shtiremi para të tjerëve, sa në fund shtiremi edhe para vetes sonë. Tema Shtirje, Të tjerët, Vetvetja
Të mashtrosh veten pa e kuptuar është po aq e lehtë sa të mashtrosh të tjerët pa u zbuluar. Tema Mashtrim, Të tjerët, Vetvetja
Secili lëvdon zemrën e vet, por askush nuk guxon të lëvdojë mendjen e vet. Tema Lëvdatë, Mendje, Zemër
Ambicia më e madhe fshihet krejtësisht kur përballet me pamundësinë absolute për të arritur atë që synon. Tema Ambicie, Fshehje
Dashuria, si zjarri, nuk mund të jetojë pa një lëvizje të vazhdueshme; ajo vdes sapo pushon së shpresuari ose së frikësuari. Tema Dashuri, Lëvizje, Zjarr
Nëse ekziston një dashuri e pastër, e papërzier me pasionet tona të tjera, ajo është e fshehur në thellësi të zemrës, dhe as ne vetë nuk e njohim. Tema Dashuri, Fshehje, Pasion
