Interes

I vetmi ndikim që një grua mund të ketë mbi një burrë është ta mërzitë aq shumë, saqë t’i heqë çdo interes për jetën.

Oscar Wilde
Tema Burrë, Grua, Interes, Jetë, Mërzi, Ndikim

Interesi përfiton nga çdo lloj virtyti e vesi.

François de La Rochefoucauld
Tema Interes, Ves, Virtyt

Ajo që duket si bujari, shpesh nuk është veçse ambicie e maskuar, e cila përbuz interesin e vogël për t’iu kushtuar interesit më të madh.

François de La Rochefoucauld
Tema Ambicie, Bujari, Interes

Në botë nuk ka tema të parëndësishme; ka vetëm njerëz pak të interesuar.

Gilbert Keith Chesterton
Tema Argument, Interes, Rëndësi

Martesat për interes do të ishin më të lumturat. Në atë rast, unë heq dorë nga lumturia.

Elias Canetti
Tema Interes, Lumturi, Martesë

Vetmia është diçka që të zmbraps; ka një hije të lehtë trishtimi, nuk tërheq e as ngjall interes, dhe shoqërohet me njëfarë turpi. Por, në një masë apo tjetër, ajo është shoqja e të gjithëve.

Charlie Chaplin
Tema Interes, Turp, Vetmi

I keqi, pa interes, nuk t’thotë as mirëmëngjes!

Muhamet Azemi
Tema E keqja, Interes

Pasi shfaqet dielli, hëna nuk na duhet më.

Fulton John Sheen
Tema Diell, Hënë, Interes

Ndoshta nuk arrijmë të duam pikërisht sepse duam të na duan, pra duam diçka nga tjetri në vend që të rrimë pranë tij pa pretendime, thjesht për praninë e tij.

Milan Kundera
Tema Dashuri, Interes, Prani, Pretendim

Pa interes nuk ka art.

H. P. Lovecraft
Tema Art, Interes

Kur shqiponjës i ecën ters, e quan bufin vëlla.

Jean-Pierre Claris de Florian
Tema Interes

Pjesa më e madhe e mjekëve ndërton kështjella fjalësh për të fshehur injorancën vetjake dhe interesin personal.

Rosario Magrì
Tema Fjalë, Fshehje, Injorancë, Interes, Mjek

Kur vuan, nuk të intereson më asgjë.

Lia Varesio
Tema Interes, Vuajtje

Në çdo çast, një organizëm vepron duke ndjekur rrjedhën e interesit më të madh.

Édouard Claparède
Tema Gjallesë, Interes, Qenie

Interesi personal është honi ku përhumbet çdo miqësi.

Ludwig Tieck
Tema Interes, Miqësi

Mirënjohja e shumicës vjen nga interesi.

Friedrich Rückert
Tema Interes, Mirënjohje

Interesi i flet të gjitha gjuhët dhe i luan të gjitha rolet.

François de La Rochefoucauld
Tema Gjuhë, Interes, Rol

Vetëm ndjenjat mund të na miqësojnë me dikë tjetër, interesi kurrë.

Auguste Comte
Tema Interes, Miqësi, Ndjenjë

Lëvdatat jepen siç investohen paratë: që të kthehen me interes.

Jules Renard
Tema Interes, Lëvdatë, Para

Kur një njeri e humbet interesin për gjërat e reja, po i hap derën engjëllit të zi.

Salman Rushdie
Tema Interes, Risi, Vdekje