Muhamet Azemi

Pikërisht ai që s’është për askund, përzihet gjithkund.

Tema Ngatërrim, Paaftësi

Pikërisht ai që të fortëve nuk guxon t’ua çelë gojën, të ngratëve ua then dhëmbët.

Tema Dobësi, Forcë, Ligësi

Për punëtorin e keq, nuk ka lopatë të mirë.

Tema Mjet, Punë

Pa marrë parasysh se qysh do të jemi, me të keqin gjithmonë vështirë do ta kemi.

Tema E keqja, Vështirësi

Kur të bëhet për të shkruar gjithkush, shkruhet gjithçka.

Tema Lexim, Shkrim, Të gjithë

Janë disa njerëz që, po t’mos ishte frika se i gjen diçka, do të bënin gjithçka.

Tema Frikë, Ligësi

I ligu për pare, bën gjithfare.

Tema Ligësi, Para

I keqi, pa interes, nuk t’thotë as mirëmëngjes!

Tema E keqja, Interes

Përderisa vjedhësi nuk zbulohet, në shumëkënd dyshohet.

Tema Dyshim, Hajdut, Zbulim

Po që se i shprushim nga të mirat del aroma, kurse nga kë këqijat del duhma.

Tema Aromë, E keqja, E mira

Fundi më i mirë që mund të jetë, është fund i së keqes.

Tema E keqja, E mira, Fund

Të jesh i zoti të thonë hajn, të mos jesh i zoti të thonë qyqan.

Tema Aftësi, Hajdut, Paaftësi

E keqja të keqit nuk ia vret syrin.

Tema E keqja

Ndonëse, dikush vdes më herët e dikush vdes më vonë, askush në këtë botë nuk është përgjithmonë.

Tema Jetëgjatësi, Vdekje

Vetëm për faktin që s’din, i marri është trim.

Tema Dituri, Marrëzi, Trimëri

Është për çudi sesi, më i etshëm për dije është i dijshmi sesa i padijshmi.

Tema Dituri, Padituri

Më nevojtarë sesa për mend, s’jemi për asgjësend.

Tema Mendje, Nevojë

Gjithmonë, pasi të pësojmë, më mirë mësojmë.

Tema Humbje, Mësim

Kur t’bëhet për të folur gjithkush, flitet gjithçka.

Tema Gjithçka, Të folurit

Ç’është e vërteta, njeri që vetes i thotë i keq ende nuk gjeta.

Tema E keqja, Vetvetja