Turmë

Turma është nëna e tiranëve.

Dionisi i Halikarnasit
Tema Nënë, Tirani, Turmë

Sidomos kur je i detyruar të jetosh mes turmës, tërhiqu në vetvete.

Epikuri
Tema Turmë, Vetmi

Megjithëse pasuria dhe pushteti mund të japin njëfarë sigurie ndaj njerëzve, siguria më e madhe vjen nga një jetë e qetë dhe larg turmës.

Epikuri
Tema Pasuri, Pushtet, Qetësi, Siguri, Turmë

Është e pamundur t’i pëlqesh turmës, veç po u bëre një gjellë e stisur ose një verë e ëmbël.

Bioni i Boristenit
Tema Pëlqim, Turmë

Kur turma nis të arsyetojë, gjithçka ka marrë fund.

Volteri
Tema Arsyetim, Turmë

Ngjitja e veseve është shumë e rrezikshme mes turmës. Njeriu ose i imiton të ligjtë, ose i urren.

Michel de Montaigne
Tema Imitim, Turmë, Ves

Turmës nuk i intereson të jetë e lirë, por të besojë se është e lirë.

Nicolás Gómez Dávila
Tema Liri, Turmë

Asgjë nuk është më e paparashikueshme se reagimet e turmës.

Tit Livi
Tema Parashikim, Reagim, Turmë

Kjo është natyra e turmës: ose shërben me përulësi, ose sundon me arrogancë; lirinë e mesme nuk di as ta fitojë me masë, as ta gëzojë siç duhet.

Tit Livi
Tema Liri, Shërbim, Sundim, Turmë

Turma nuk njeh masë: po s’pati frikë, kërcënon; po u tremb, mund të shkelet pa frikë ndëshkimi.

Taciti
Tema Frikë, Ndëshkim, Turmë

Turma lodhet nga të menduarit dhe vesh me dëshirë idetë e të tjerëve; kështu, pak të shkathët sajojnë opinionin publik, që sjell shkatërrim.

Giacinto de’ Sivo
Tema Ide, Mendim, Opinion, Turmë

Ç’madhështi e çuditshme ajo që varet e gjitha nga duartrokitjet e një turme idiote!

Maurice Zundel
Tema Duartrokitje, Madhështi, Turmë

Çfarëdo që bën zhurmë, i pëlqen turmës.

Charles Dickens
Tema Turmë, Zhurmë

Përlotja i pushton turmat e mëdha vetëm kur s’kushton asgjë, nuk mbart përgjegjësi dhe nuk sjell pasoja.

Luigi Pintor
Tema Kosto, Lot, Turmë

Konformizmi është paqja e atij që ndihet në harmoni me turmën që e rrethon.

Dino Buzzati
Tema Konformist, Paqe, Turmë

Kam kaluar përmes turmës bashkë me turmën që kalon.

Nazım Hikmet
Tema Kalimtarë, Turmë

Turma, numri, është përherë idiote. Asaj jepini lirinë, por jo pushtetin.

Gustave Flaubert
Tema Liri, Pushtet, Turmë

Sado marrëzi të jetë një gjë, për sa kohë që ajo është risi, arrin t’i joshë turmat.

Christian Fürchtegott Gellert
Tema Marrëzi, Risi, Turmë

Individi mund të jetë i mençur, por turma gjithmonë vepron marrëzisht.

Friedrich Schiller
Tema Individ, Marrëzi, Mençuri, Turmë

Që të qeverisësh një turmë është më mirë të jesh njerëzor se arrogant, më mirë i mëshirshëm sesa mizor.

Niccolò Machiavelli
Tema Arrogancë, Mëshirë, Mirësi, Mizori, Qeverisje, Turmë