Nicolás Gómez Dávila

Sado e mjerë dhe e varfër të jetë, çdo jetë ka çaste të denja për përjetësinë.

Tema Denjësi, Përjetësi

Të vërtetat janë shpërblimi i një jete inteligjente.

Tema Vërtetësi

Gjëja e parë që shpik shkrimtari është personazhi që do t’i shkruajë veprat e tij.

Tema Shkrimtar

Njeriu modern ndihet i lirë vetëm sepse shmang prekjen e mureve të qelisë.

Tema Burg, Liri, Modernizëm

Arsyetimi bind vetëm atë që kërkon një pretekst për t’u dorëzuar.

Tema Arsyetim, Dorëheqje

Të kesh opinione është mënyra më e mirë për t’iu shmangur detyrimit për të menduar.

Tema Detyrim, Mendim, Opinion

Disa shpirtra të veçantë arrijnë ta shndërrojnë edhe gabimin në melodi fisnike.

Tema Fisnikëri, Gabim

Nganjëherë mjafton një gjest i vetëm që bota të marrë kuptim.

Tema Kuptim, Veprim

Nganjëherë mjafton të shohim se kush na fyen për ta ndier veten të hakmarrë.

Tema Hakmarrje, Ofendim

Çdokush ka të drejtë të jetë budalla, por jo të kërkojë që ne ta adhurojmë budallallëkun e tij.

Tema Budalla, E drejtë

Vetëm po na kundërshtuan mund t’i lëmojmë idetë tona.

Tema Ide, Kundërshtim

Të besosh se nuk ke paragjykime është paragjykimi më i zakonshëm.

Tema Paragjykim

Sa më shumë të besojë njeriu se është i lirë, aq më e lehtë është të indoktrinohet.

Tema Liri, Mashtrim

Në rini druhemi se mos dukemi budallenj; në pjekuri druhemi se mos jemi të tillë.

Tema Budalla, Pleqëri, Rini

Kur dashuria arrin pjekurinë e saj të plotë, paturpësia është e vetmja shprehje e denjë për të.

Tema Dashuri, Turp

Pak njerëz do ta duronin jetën e tyre po të mos ndiheshin viktima të fatit.

Tema Durim, Fat, Viktimë

Sot, pjesëmarrja të kthen në bashkëfajtor.

Tema Faj, Pjesëmarrje

Nuk duam thjesht të përkëdhelim trupin që duam, por të jemi vetë përkëdhelja.

Tema Përkëdhelje, Trup

Asnjë retorikë nuk e mban gjallë dashurinë e shpirtrave përtej çastit kur mishi qetësohet.

Tema Dashuri, Retorikë

Askush nuk e meriton vëmendjen tonë për më shumë se një çast, as për më pak se një jetë.

Tema Vëmendje