Rol

Detyra jote është ta luash mirë rolin që të është dhënë. Ta zgjedhë atë është detyrë e një tjetri.

Epikteti
Tema Rol, Zgjedhje

Ndodh vetëm në librushka të këqija të ndahen të gjallët në dy kampe dhe të mos takohen. Por, në realitet, gjithçka plekset. Sa qenie e pavlerë, e pandreqshme duhet të jesh, që të luash vetëm një rol në jetë, të zësh vetëm një vend në shoqëri, të kesh vetëm një kuptim gjithmonë.

Boris Pasternak
Tema Ndarje, Rol, Takim, Vlerë

Gjysma e njerëzve ka pushuar së qeni vetvetja dhe nuk dihet më se çfarë roli luajnë.

Boris Pasternak
Tema Rol, Vetvetja

Edhe në sjelljet më intime luajmë role të paracaktuara nga shoqëria.

George Gurdjieff
Tema Intimitet, Rol, Shoqëri

Interesi i flet të gjitha gjuhët dhe i luan të gjitha rolet.

François de La Rochefoucauld
Tema Gjuhë, Interes, Rol

Pak janë gratë e ndershme që nuk janë lodhur nga ky rol.

François de La Rochefoucauld
Tema Grua, Ndershmëri, Rol

Gruaja luan rol kryesor në jetën e çdo njeriu.

Anton Çehov
Tema Grua, Rol

Të bësh rolin e të vdekurit nuk është një zanat i mirë.

Luigi Pirandello
Tema Profesion, Rol

Arti është protesta jonë energjike, përpjekja jonë e guximshme për t’i mësuar natyrës rolin e saj.

Oscar Wilde
Tema Art, Mësim, Natyrë, Protestë, Rol

Shumë yje të kinemasë interpretojnë thjesht vetveten duke ndërruar vetëm rrobat.

Imelda Staunton
Tema Aktor, Interpretim, Rol

Nëse më shumë femra do të kishin role në vendimmarrje do të reshtnim së menduari se ai nuk është vendi i tyre.

Sheryl Sandberg
Tema Grua, Rol

Besoj se jemi dëshmitarë të një ngatërrimi rolesh: përballë një femre të pavarur, mashkulli tani duhet të gjejë vetveten dhe rolin e tij prej mashkulli.

Camila Raznovich
Tema Burrë, Grua, Pavarësi, Rol

Nuk kam qenë kurrë milionere, por jam e sigurt se do të isha e shkëlqyer në këtë rol.

Dorothy Parker
Tema Pasuri, Rol

Nuk mund të luash rolin e të keqit pa pasur parasysh mjedisin nga i cili vjen.

Mark Margolis
Tema E keqja, Mjedis, Rol

Personaliteti zë fill pikërisht aty ku nga dy qenie individuale secila ka një rol të caktuar në botën e tjetrit.

Konrad Lorenz
Tema Personalitet, Rol, Të tjerët

Mos e dramatizoni tepër jetën. Po sikur të gjendeshin aktorë më të mirë për rolin tuaj?

Stanislaw Jerzy Lec
Tema Aforizma argëtuese, Aktor, Dramë, Jetë, Rol

Roli natyror i gruas është të jetë një kolonë e familjes.

Grace Kelly
Tema Familje, Grua, Rol

Karakteristikë e njeriut të rafinuar është aftësia e tij për të luajtur çdo lloj roli në jetën e tij të jashtme, ndërkohë që përbrenda përjeton lirinë.

George Gurdjieff
Tema Arritje, Liri, Rol

Nuk ka role të vogla, por vetëm aktorë të pazotë.

Melanie Griffith
Tema Aftësi, Aktor, Rol

Njeriu është e vetmja kafshë që shtiret, dhe kurrë nuk është më shumë vetvetja sesa kur luan një rol.

William Hazlitt
Tema Njeri, Rol, Shtirje, Vetvetja