Sëmundje

Mos i kërko fluturim një zogu të plagosur, mos i kërko lule shkurres me degë të thyera, mos i kërko gaz yjesh natës në stuhi: as durim një gruaje të sëmurë nga dashuria.

Lalla Romano
Tema Dashuri, Durim, Grua, Sëmundje

Zoti është emri i një psikoze nga e cila, herët a vonë, vuajmë të gjithë.

Guido Morselli
Tema Sëmundje, Vuajtje, Zot

Besohej se Apoloni, perëndia e mjekësisë, ishte edhe ai që dërgonte sëmundjet. Në fillim, këto dy profesione ishin një i vetëm; ende kështu është.

Jonathan Swift
Tema Mjekësi, Profesion, Sëmundje

Përveç sëmundjeve të vërteta, ka edhe sëmundje imagjinare, për të cilat mjekët kanë shpikur kura imagjinare.

Jonathan Swift
Tema Aforizma argëtuese, Imagjinatë, Mjekim, Sëmundje

Mjekësia është, para së gjithash, të çlirojë të sëmurët nga vuajtjet, të frenojë dhunën e sëmundjes dhe të mos mjekojë ata që tashmë janë mposhtur prej saj.

Hipokrati
Tema Mjekësi, Sëmundje, Vdekje, Vuajtje

Sëmundja është pengesë për trupin, por jo për vullnetin, nëse ai nuk dorëzohet.

Epikteti
Tema Dorëheqje, Pengesë, Sëmundje, Trup, Vullnet

Shkojmë të vizitojmë një të sëmurë për t’i treguar të gjitha sëmundjet që kemi kaluar ne ose të tjerët.

Jules Renard
Tema Sëmundje

Sëmundja nuk është gjë tjetër veçse të mos njohësh, të mos gjesh rrugët e shërimit tënd!

Peter Altenberg
Tema Sëmundje, Shërim

Varfëria është një sëmundje kalimtare, ndërsa pasuria është një sëmundje kronike.

Khalil Gibran
Tema Pasuri, Sëmundje, Varfëri

Sikur të isha mirë, aq sa jam keq, do të isha shumë mirë.

Marcello Marchesi
Tema Aforizma argëtuese, Sëmundje

Sëmundja më e tmerrshme është mungesa e zemrës.

Jean Cardonnel
Tema Sëmundje, Zemër

Nuk sëmuremi kurrë dy herë nga dashuria. Kupidi nuk e harxhon një shigjetë të dytë për të njëjtën zemër.

Jerome K. Jerome
Tema Dashuri, Sëmundje

Frika është armiku më i madh i njeriut. Ajo qëndron pas dështimit, sëmundjes dhe marrëdhënieve të këqija njerëzore.

Joseph Murphy
Tema Armiqësi, Dështim, Frikë, Sëmundje

Kafshët, më shumë se rrezet e klinikave, i perceptojnë në një njeri shenjat e para të afrimit të pranisë së mallkuar, të sëmundjes që nuk ka shërim.

Dino Buzzati
Tema Kafshë, Sëmundje, Shenjë, Vdekje

Kur je i sëmurë, mendon gjithmonë më të keqen.

Dino Buzzati
Tema E keqja, Mendim, Sëmundje

Mania e madhështisë personale në fakt është sëmundje psikike, e cila jo vetëm që e bën qesharak bartësin e saj, por mund të sjellë mjaft dëme në shoqëri.

Dritëro Agolli
Tema Madhështi, Megalomani, Qesharak, Sëmundje

Duhet të mësohemi me gjithçka, me trishtimin, me sëmundjen, edhe me lumturinë.

Constance de Théis
Tema Lumturi, Mësim, Sëmundje, Trishtim

Sëmundja nga e cila vuajnë të gjithë të moshuarit është koprracia.

Thomas Middleton
Tema Koprraci, Pleqëri, Sëmundje

Shumë nga sëmundjet e njohura vijnë ose nga doktorët ose nga fantazia jonë.

Charles Churchill
Tema Fantazi, Sëmundje

Sëmundjet vijnë fluturimthi dhe ikin dalëngadalë.

Volteri
Tema Sëmundje, Shpejtësi