Sëmundje

Puna është ilaçi më i mirë për të gjitha sëmundjet dhe palumturitë që e kaplojnë njerëzimin.

Thomas Carlyle
Tema Ilaç, Palumturi, Punë, Sëmundje

Sëmundjet që përcaktojnë rritjen e njerëzimit quhen revolucione.

Friedrich Hebbel
Tema Përparim, Revolucion, Sëmundje

Jeta është një sëmundje fatale, dhe jashtëzakonisht ngjitëse.

Oliver Wendell Holmes
Tema Jetë, Sëmundje

Mendjemadhësia është sëmundja jonë natyrore dhe origjinale. Njeriu është krijesa më fatzezë dhe më e brishtë, e megjithatë, ai është edhe krijesa më krenare.

Michel de Montaigne
Tema Krenari, Mendjemadhësi, Njeri, Sëmundje

Shëndeti u jep më shumë kënaqësi atyre që janë shëruar nga një sëmundje e rëndë sesa atyre që nuk janë sëmurur kurrë.

Ciceroni
Tema Sëmundje, Shëndet

Sëmundja kryesore e njeriut është kureshtja e trazuar nga gjëra që nuk mund të njohë.

Blaise Pascal
Tema Kureshtje, Njohje, Sëmundje, Zot

Jeta është një sëmundje dhe e gjithë bota është një spital. Ndërsa vdekja është doktori ynë.

Heinrich Heine
Tema Botë, Jetë, Mjek, Sëmundje, Spital, Vdekje

Pleqnia bjen me vedi edhe shumë sëmundje, jo që ma ajo vetë asht sëmundja ma e keqe dhe e pashërueshme.

Zef Pllumi
Tema Pleqëri, Sëmundje

Kush e kurseu veten tepër, në fund u sëmur nga kujdesi i tepërt. Lëvduar qoftë çfarë të forcon.

Friedrich Nietzsche
Tema Forcë, Kursim, Sëmundje, Tepri

Po qe se do të mjekonim, atëherë duhet të mjekonim jo sëmundjet, por shkaqet e tyre.

Anton Çehov
Tema Mjekim, Sëmundje, Shkak

Sëmundja e shekullit është pesimizmi.

Anton Çehov
Tema Pesimizëm, Sëmundje

Oh, këto sëmundjet! Sa shumë dëme i shkaktojnë artit.

Anton Çehov
Tema Art, Dëm, Sëmundje

Kështu bëhet edhe me të dënuarit me vdekje: nëse kanë apendicit, i operojnë, e pastaj i vrasin, që të vdesin në shëndet.

José Saramago
Tema Sëmundje, Shëndet, Shërim, Vdekje

Nuk ka kuptim që për një çast të kënaqësisë që ka fyti tek kapërdin një kafshatë, të jem pastaj sëmurë një ditë të tërë.

Luigi Pirandello
Tema Kënaqësi, Pasojë, Sëmundje, Ushqim

Fëmijët sëmuren vetëm kur janë me të vërtetë të sëmurë, ndërsa të rriturit, ose kanë simptoma pa pasur sëmundje, ose kanë sëmundje të rënda me simptoma të papërfillshme.

Gabriel García Márquez
Tema Fëmijë, Sëmundje, Simptoma, Të rritur

S’ka gjë që i pëlqen më tepër një të sëmuri sesa të flitet për sëmundjen e tij.

Gabriel García Márquez
Tema Sëmundje, Të folurit

Dija ala s’iau ka gjetë rrajën disa sëmundjeve shpirtnore.

Martin Camaj
Tema Dituri, Sëmundje, Shpirt

Një grue në ma të mirën kohë të jetës duhet të flejë me burrë, përndryshe ajo gjykohet në sy të botës si e smurë në trup e në mend.

Martin Camaj
Tema Bashkëshortë, Grua, Sëmundje

Ka doktorë që e vdesin të sëmurin në vend që ta shërojnë dhe prapë kërkojnë e marrin një thes me para për punën e tyre.

Miguel de Cervantes
Tema Mjek, Sëmundje, Shpërblim, Vdekje

Fillimi i shëndetit është njohja e sëmundjes.

Miguel de Cervantes
Tema Njohje, Sëmundje, Shëndet