Mendjemadhësi

Mendjemadhësia i fryn njerëzit e marrë, siç fryn era kacekët bosh.

Sokrati
Tema Marrëzi, Mendjemadhësi

Mendjemadhësia është pengesë për përparimin.

Bioni i Boristenit
Tema Mendjemadhësi, Përparim

Mendjengushtësia, padituria dhe mendjemadhësia janë burimi i kokëfortësisë, sepse kokëfortët besojnë vetëm atë që kuptojnë, por kuptojnë fare pak.

Madeleine de Souvré
Tema Kokëfortësi, Kuptim, Mendjemadhësi, Padituri

Askush nuk shpëton pa thënë ndonjë budallallëk. E keqja është t’i thuash me mendjemadhësi.

Michel de Montaigne
Tema Idiotësi, Mendjemadhësi

Nuk ka budallenj më të padurueshëm se ata që e kanë mendjen të mprehtë.

François de La Rochefoucauld
Tema Bajatje, Budalla, Mendjemadhësi

Askush nuk është i detyruar të të japë asgjë; prandaj mëso të vlerësosh çfarëdo që të japin dhe mos lejo të të marrë koka erë.

Aretha Franklin
Tema Dhënie, Mendjemadhësi, Pranim

Modestia e ekspozuar si virtyt kthehet në formë mendjemadhësie.

Caparezza
Tema Mendjemadhësi, Modesti, Virtyt

Njeriu është aq mendjemadh, saqë kur nuk mund të mburret me virtytet, mburret me veset e tij.

Carlo Giuseppe Londonio
Tema Mburrje, Mendjemadhësi, Ves, Virtyt

Asgjë nuk e bezdis më shumë njeriun mendjemadh sesa ta konsiderojnë pak të trashë.

Luis de León
Tema Mendjemadhësi, Trashamanësi

Kur një njeri i madh bën ndonjë marrëzi, mendon se mund t’i ndreqë gjërat me mendjemadhësi.

Laurent Angliviel de la Beaumelle
Tema Madhështi, Marrëzi, Mendjemadhësi

Leximet e shumta na bëjnë mendjemëdhenj e pedantë; vëzhgimet e shumta na bëjnë të urtë, tolerantë e të dobishëm.

Georg Christoph Lichtenberg
Tema Lexim, Mendjemadhësi, Shikim, Urtësi

Mendjemadhësia është sëmundja jonë natyrore dhe origjinale. Njeriu është krijesa më fatzezë dhe më e brishtë, e megjithatë, ai është edhe krijesa më krenare.

Michel de Montaigne
Tema Krenari, Mendjemadhësi, Njeri, Sëmundje

Telashi me vajzat është se nëse u pëlqen një djalë, edhe në qoftë maskarai më i madh në botë, ato thonë se ka kompleksin e inferioritetit; nëse nuk u pëlqen, edhe në qoftë më simpatiku e në pastë edhe kompleksin e inferioritetit më të madh në botë, ato thonë që është mendjemadh. Edhe vajzat më të shkathëta bëjnë kështu.

J. D. Salinger
Tema Burrë, Grua, Inferioritet, Maskara, Mendjemadhësi, Pëlqim

Ka zotërinj që bëjnë sikur njohin çdo lëvizje të lojës së jetës, e që, duke qenë përgjithësisht në lartësi të çdo situate, kanë një konsideratë të lartë rreth aftësive vetjake dhe shprehen se janë gjithmonë të gatshëm për çfarëdolloj gjëje: nga hedhja e një monedhe në ajër e deri tek kryerja e një vrasjeje.

Charles Dickens
Tema Aftësi, Gatishmëri, Mburrje, Mendjemadhësi, Vetvetja, Vrasje

Qoftë mallkuar mendjemadhësia, gjë me të cilën shpirti gënjen veten!

Gëte
Tema Gënjeshtër, Mendjemadhësi, Vetvetja

Të gjitha marritë tona rrjedhin nga barku që mbetet zbrazur dhe nga koka që mbushet me erë.

Miguel de Cervantes
Tema Aforizma argëtuese, Marrëzi, Mendjemadhësi, Ushqim

Ai që hiqet i madh e mbahet i rëndë, e ka mendjen të vogël e të lehtë si pendë.

Naim Frashëri
Tema Madhështi, Mendje, Mendjemadhësi

Talentin ta jep Zoti. Ji modest! Famën ta japin njerëzit. Ji mirënjohës! Mendjemadh bëhesh vetë. Ki kujdes!

John Wooden
Tema Famë, Kujdes, Mendjemadhësi, Mirënjohje, Modesti, Talent

Nga suksesi i arritur me lehtësi rrjedh vetëm mendjemadhësia.

Stefan Zweig
Tema Mendjemadhësi, Sukses

Shpeshherë urtësia ndodhet më afër nesh kur përkulemi sesa kur marrim fluturimin.

William Wordsworth
Tema Mendjemadhësi, Përulësi, Urtësi