Miguel de Cervantes

Duke menduar pjesën që do të trashëgojë, lehtësohet në shpirtin e trashëgimtarit pikëllimi për vdekjen e të afërmit.

Tema Të afërm, Trashëgimi, Vdekje

S’ka asgjë të përjetshme në këtë botë, përkundrazi, çdo send priret në mënyrë të natyrshme për nga fundi, dhe më shumë se çdo gjë tjetër jeta e njeriut.

Tema Fund, Përjetësi, Vdekje

Dashka s’dashka njeriu, kur ka grua e fëmijë, bëhet qen i parasë.

Tema Familje, Para

Ka doktorë që e vdesin të sëmurin në vend që ta shërojnë dhe prapë kërkojnë e marrin një thes me para për punën e tyre.

Tema Mjek, Sëmundje, Shpërblim, Vdekje

Për të mundurin, e mira kthehet në të keqe dhe e keqja në një të keqe akoma më të madhe.

Tema E keqja, Mposhtje

Fjala e urtë, e futur si pykë në bisedë, sado e urtë që të jetë, bëhet e urryer.

Tema Aforizmë, Përshtatje

Zemrave trimërore, u ka po aq hije të durojnë në mot të lig, sa edhe të ngazëllejnë në mot të mirë.

Tema Durim, Gëzim, Trimëri

Çmenduria dhe trimëria nuk janë njëlloj. Kush gjendet në buzë të greminës, duhet të shtojë trimërinë, por jo çmendurinë.

Tema Çmenduri, Rrezik, Trimëri

Bota nuk di t’i çmojë e t’i shpërblejë siç duhet mendjet e holla dhe veprat e mëdha.

Tema Botë, Mendje, Vepër, Vlerësim

Njeriu i shfaq ato që ndien me ato që bën.

Tema Shfaqje, Vepër

Sikurse flaka që as mbulohet as fshihet, ashtu edhe virtyti nuk mund të mos zbulohet e të njihet.

Tema Njohje, Virtyt, Zbulim

Shakaja le të jetë me spec, por jo ta djegë e ta godasë gjer në atë pikë atë tjetrin sa ta dëmtojë, se ç’u kuptua pastaj.

Tema Dëm, Kufi, Shaka

Fillimi i shëndetit është njohja e sëmundjes.

Tema Njohje, Sëmundje, Shëndet

O tërbim i shfrenuar i zilisë, ç’fund i hidhur i pret tërë ata që të hapin dyert e zemrës!

Tema Fund, Zili

Nuk ka femër në botë që, sado e mbërthyer në rregulla të rrepta përmbajtje dhe sado e përkorme qoftë vetvetiu, të mos e gjejë me tepri kohën për të përmbushur me çdo kusht më të fshehtat dëshira të saj.

Tema Dëshirë, Fshehje, Grua

Dashuria nuk pyet për asgjë dhe në asgjë nuk njeh masë as kufi.

Tema Dashuri, Kufi, Masë

I bekuar është ai të cilit qielli i hedh një copë bukë, për të cilën nuk i detyrohet mirënjohje njeriu.

Tema Bamirësi, Detyrim, Mirënjohje

Detyrimet dhe mirënjohjet që bamirësitë dhe nderet të ngarkojnë, janë pranga të rënda për shpirtin dhe për lirinë.

Tema Bamirësi, Detyrim, Mirënjohje

Nga të gjitha të këqijat që mund të ndodhin njeriut, robëria është më e keqja.

Tema E keqja, Skllavëri

Për liri, ashtu si edhe për nder, duhet e ia vlen që njeriu të rrezikojë jetën.

Tema Liri, Ndershmëri, Rrezik