Mjekësi

Besohej se Apoloni, perëndia e mjekësisë, ishte edhe ai që dërgonte sëmundjet. Në fillim, këto dy profesione ishin një i vetëm; ende kështu është.

Jonathan Swift
Tema Mjekësi, Profesion, Sëmundje

Mjekësia është, para së gjithash, të çlirojë të sëmurët nga vuajtjet, të frenojë dhunën e sëmundjes dhe të mos mjekojë ata që tashmë janë mposhtur prej saj.

Hipokrati
Tema Mjekësi, Sëmundje, Vdekje, Vuajtje

Të vetmet gjëra të sigurta në mjekësi janë shpresat mashtruese që ajo na jep.

Jules Renard
Tema Mashtrim, Mjekësi

Filozofia, si mjekësia, ka shumë receta, pak ilaçe të mira dhe pothuajse asnjë kurë të sigurt.

Nicolas Chamfort
Tema Filozofi, Ilaç, Mjekësi

Shkalla më e lartë e mjekësisë është dashuria.

Paracelsus
Tema Dashuri, Mjekësi

Mund të thuhet gjithçka për mjekësinë, por s’mund të thuhet se është një shkencë e saktë.

Rosario Magrì
Tema Mjekësi, Saktësi, Shkencë

Purgatori modern përbëhet nga serume, injeksione, ndërhyrje kirurgjike.

Luciano Bianciardi
Tema Kirurgji, Mjekësi, Purgator

Nëse mund të shëroni, shëroni; nëse nuk mund të shëroni, qetësoni; nëse nuk mund të qetësoni, ngushëlloni.

Augusto Murri
Tema Mjekësi, Ngushëllim, Shërim

Jeta mund të zgjatet përmes mjekësisë; por edhe mjekun do ta marrë vdekja.

Shekspiri
Tema Jetë, Mjekësi, Vdekje

S’ka ilaçe më të vlefshme sesa një diagnostifikim i mirë.

Gabriel García Márquez
Tema Ilaç, Mjekësi

Bisturia është prova më e saktë e dështimit të mjekësisë.

Gabriel García Márquez
Tema Mjekësi

Praktikimi i mjekësisë është art, jo zanat; është thirrje e brendshme, jo biznes; është një udhëtim gjatë të cilit zemra juaj do të ushtrojë bashkë me mendjen.

William Osler
Tema Mjekësi, Profesion

Kurimi i dëshpërimit është përtej mundësive të shkencës mjekësore.

Irvin D. Yalom
Tema Dëshpërim, E mundur, Mjekësi

Mjekësia konsiston në futjen e ilaçeve që nuk njeh në një trup që njeh akoma më pak.

Volteri
Tema Ilaç, Mjekësi, Njohje, Trup

Të njohësh progresin natyror të sëmundjeve është të njohësh më shumë se gjysmën e mjekësisë.

Armand Trousseau
Tema Dituri, Mjekësi, Sëmundje

Mjekësia e vërtetë ndihmon mjekët e vërtetë që të shërojnë pacientë të vërtetë; një mjekësi e rreme (psikiatria) ndihmon mjekë të rremë (psikiatrat) që të kenë ndikim dhe kontroll mbi pacientë të rremë (të sëmurët mendorë).

Thomas Szasz
Tema E vërteta, Mjekësi, Pacient, Psikiatër

Një mjek i pashpirt s’është gjë tjetër veçse një kasap me diplomë në mjekësi. Vetëm një person shpirtmirë është në gjendje të bëhet një doktor i madh.

Israel Joshua Singer
Tema Madhështi, Mizori, Mjekësi

Spitalet janë tempujt e mjekësisë.

Henry Sigerist
Tema Mjekësi, Spital

Nuk është se e kemi humbur besimin: thjesht e kemi kaluar atë nga Zoti tek profesioni i mjekut.

George Bernard Shaw
Tema Fe, Mjekësi, Zot

Nuk e vë në dyshim që mjekësia është e dobishme për disa njerëz, por është fatale për njerëzimin.

Jean-Jacques Rousseau
Tema Dobi, Fatal, Mjekësi, Njerëzim