Mburrje

Kur mburresh me lavdinë tokësore, po mburresh me mallkimin tënd.

Antoni i Padovës
Tema Lavdi, Mallkim, Mburrje

Njeriu inteligjent që mburret me inteligjencën e tij është si një i burgosur që mburret me hapësirën e qelisë së tij.

Simone Weil
Tema Mburrje, Mençuri

Njerëzit e vegjël krenohen duke folur gjithmonë për veten e tyre; njerëzit e mëdhenj duke mos folur kurrë për veten.

Volteri
Tema Madhështi, Mburrje, Mediokritet, Vetvetja

Mburrje është të lëvdosh vetveten. Vetëbesim është të jesh i bindur se mund të kryesh detyrën tënde.

Johnny Unitas
Tema Lëvdatë, Mburrje, Vetëbesim, Vetvetja

Nuk ka gjë më të lezetshme se mburrjen naive dhe fodulle që raca njerëzore i bën vetvetes: pa pikë turpi e modestie, njerëzimi mendon se është vepra më fisnike e Zotit.

Mark Twain
Tema Fisnikëri, Krijim, Mburrje, Padjallëzi, Zot

O Zot! Sa e lehtë është për të varfrit të krenohen.

Shekspiri
Tema Mburrje, Varfëri

Kush krenohet me lajkat është i denjë për to.

Shekspiri
Tema Denjësi, Lajkë, Mburrje

Ka dy arsye të mira për të lexuar një libër: një, sepse mund ta shijosh; dy, sepse mund të mburresh se e ke lexuar.

Bertrand Russell
Tema Arsye, Kënaqësi, Lexim, Mburrje

Nuk ka arsye që një pasanik të mburret me ndershmërinë e tij, dhe as një femër e shëmtuar të mburret me besnikërinë e saj.

Philip Rosenthal
Tema Besnikëri, Grua, Mburrje, Ndershmëri, Pasuri

Mos u mburr me diturinë tënde, por këshillohu me të ditur e të paditur, sepse dituria nuk ka kurrë fund, dhe ende askush s'e ka arritur përsosurinë.

Ptahhotep
Tema Dituri, Mburrje, Padituri, Përsosuri

Nuk do të ndërmerrnim një udhëtim në det vetëm për kënaqësinë e syve, po të mos shpresonim t’ua tregonim të tjerëve.

Blaise Pascal
Tema Det, Mburrje, Të tjerët, Udhëtim

Nëse duhet të përballemi me fatin tonë, përse të mos e bëjmë me kapadaillëk?

Christopher Paolini
Tema Fat, Mburrje, Përballje

Ka nga ata që krekosen për një grimcë drejtësie që gjoja vendosin, e për t’ia arritur kësaj, kryejnë gjithfarë krimesh, aq sa bota lëngon e mbytur në padrejtësitë e tyre.

Friedrich Nietzsche
Tema Drejtësi, Krim, Mburrje, Padrejtësi

Kush mburret tepër dhe e lartëson trimërinë e vet, nuk është për t’u pasur frikë me të vërtetë.

Jules Mazarin
Tema Frikë, Mburrje, Trimëri

Është e pakëndshme dhe e mundimshme kur trupi rron e krekoset më vete, pa kurrfarë lidhjeje me shpirtin.

Thomas Mann
Tema Mburrje, Mundim, Shpirt, Trup

Vihu në pah e s’do të kesh vëmendje. Mburrja jote do të jetë dështimi yt.

Bruce Lee
Tema Dështim, Mburrje, Vëmendje

Çfarëdo që fryhet, duhet të jetë detyrimisht i sheshtë nga natyra.

Stanislaw Jerzy Lec
Tema Krenari, Mburrje

Kush kërkon të duket, nuk del në dritë. Kush i bën qejfin vetes, nuk bie në sy. Kush ia shton vlerat vetes, nuk ka vlerë. Kush lëvdon veten, nuk fiton lavdi.

Laozi
Tema Mburrje, Narcizëm, Vetvetja

Paraardhësit janë të rëndësishëm, sidomos për ata që vetë nuk kanë bërë asgjë.

Louis L’Amour
Tema Dështim, Mburrje, Paraardhës, Prejardhje

Mëshira që turret të shpallë qëllimet e saj të mira, resht së qenët mëshirë, ajo është vetëm mburrje dhe ekspozim.

William Hutton
Tema Mburrje, Mëshirë, Qëllim