Këmbim

Sa na dhemb e shkreta jetë, ndonëse nuk e pëlqejmë, e pandehim të vërtetë, me gjësendi s’e shkëmbejmë!

Naim Frashëri
Tema Dhimbje, Jetë, Këmbim

E kush vallë nuk do të jepte një sorrë për një pëllumb?

Shekspiri
Tema Këmbim

Nëse ti ke një mollë dhe unë një mollë, dhe i shkëmbejmë, atëherë të dy kemi sërish nga një mollë. Por, nëse ti ke një ide dhe unë një ide, dhe i shkëmbejmë, atëherë të dy kemi nga dy ide.

Charles F. Brannan
Tema Ide, Këmbim, Pasuri

Arsyeja kryesore e dështimit dhe e palumturisë është të këmbesh atë që dëshiron më shumë me atë që dëshiron tani.

Zig Ziglar
Tema Dëshirë, Dështim, Këmbim, Palumturi

Dashuria nuk është kurrë një varësi. Ajo është një gjendje absolute, e pakushtëzuar dhe e përjetshme që nuk pretendon asgjë në këmbim.

Brian Weiss
Tema Dashuri, Këmbim, Varësi

Jep më të mirën tënde, dhe në këmbim kërko më të mirën.

Denis Waitley
Tema Dhënie, Këmbim, Maksimum, Marrje

Vetëm duke u dhënë të tjerëve një pjesë nga vetja, pa pretenduar asgjë në këmbim, mund të përcaktohet një jetë e denjë për këtë emër.

Daniela Volontè
Tema Denjësi, Dhurim, Këmbim, Të tjerët, Vetvetja

Do të ishte ide e mirë që vendet e ndryshme të botës të shkëmbenin librat e historisë herë pas here, sa për të parë se çfarë bëjnë popujt e tjerë me të njëjtën seri faktesh.

Bill Vaughan
Tema Aforizma argëtuese, Histori, Këmbim, Libër

Besnikëria është diçka që ti e jep pavarësisht se çfarë të jepet në këmbim.

Charles Edward Jones
Tema Besnikëri, Këmbim

Çmimi i çdo gjëje është sasia e jetës që jemi të gatshëm të shkëmbejmë për të.

Henry David Thoreau
Tema Çmim, Jetë, Këmbim

Në tokë nuk ekziston shembull ku të këmbehet diçka me asgjë.

William Graham Sumner
Tema Asgjë, Këmbim

Kush dashuria kërkon diçka në këmbim është një i pasur që i lyp të varfrit.

Camillo Sbarbaro
Tema Dashuri, Këmbim, Pasuri, Varfëri

Ky është ligji i dashurisë: duam sepse ndiejmë nevojë të duam, jo për të arritur diçka apo për të marrë diçka në këmbim, përndryshe të mjerët ne.

Rudolf Nureyev
Tema Dashuri, Këmbim, Ligj, Nevojë

Për të parë atë që shohin të tjerët, duhet të vihesh në vendin e tyre.

Bruce Pandolfini
Tema Këmbim, Shikim, Të tjerët

Nevojat dhe dëshirat e njeriut përmbushen vetëm në dy mënyra: me prodhim dhe shkëmbim të mirash, që është mënyra ekonomike, ose me përvetësimin pa kompensim të mirave të të tjerëve, që është mënyra politike.

Albert Jay Nock
Tema Dëshirë, Ekonomi, Këmbim, Nevojë, Përvetësim, Politikë, Prodhim

Dashuria në gjendjen e saj të kulluar është ajo që nuk këmbehet.

Alessandro Morandotti
Tema Dashuri, Këmbim

Të ndërrosh shqetësim bën po aq mirë sa ç’bën një pushim.

David Lloyd George
Tema Këmbim, Pushim, Shqetësim

Në shkëmbimet intelektuale, ai që jep nuk humbet asgjë, dhe ai që merr nuk i heq asgjë bashkëbiseduesit të tij.

Serge Latouche
Tema Fitore, Humbje, Intelekt, Këmbim

Madhështia e një njeriu shihet nga mënyra se si ai trajton dikë nga i cili nuk mund të marrë asgjë në këmbim.

Samuel Johnson
Tema Këmbim, Madhështi, Trajtim

Të pranosh një dhuratë me mirënjohje e me hare, edhe kur nuk ke asgjë për të dhënë në këmbim, një dhuratë në këmbim sapo e dhe.

Leigh Hunt
Tema Dhuratë, Këmbim, Mirënjohje, Pranim