Nevojë

Të ndihmosh nevojtarët nuk është vetëm pjesë e detyrës, por edhe pjesë e lumturisë.

José Martí
Tema Detyrë, Lumturi, Ndihmë, Nevojë

Ideja jonë e drejtësisë ndryshon në bazë të nevojave tona.

Javier Marías
Tema Drejtësi, Nevojë

S’kam uri. S’kam etje. S’kam vapë. S’kam ftohtë. S’kam gjumë. S’më vjen asnjë nevojë. Sa i palumtur që jam.

Marcello Marchesi
Tema Nevojë, Palumturi

Vuajtja është një lloj nevoje e organizmit për t’u ndërgjegjësuar me gjendjen e re që e shqetëson, për ta bërë ndjeshmërinë të përshtatshme për këtë gjendje.

Marcel Proust
Tema Ndjeshmëri, Nevojë, Vuajtje

Është e pamundur të jetohet pa vetëdijen se je i nevojshëm për dikë, pa sigurinë që në botë ka një person që ka nevojë absolute për ty.

Sándor Márai
Tema Bindje, Domosdoshmëri, Nevojë

Dëshironi ndihmën e shumëkujt? Përpiquni të mos keni nevojën e askujt.

Alessandro Manzoni
Tema Ndihmë, Nevojë

Gjëja për të cilën keni nevojë do të vijë vetë tek ju, nëse ju nuk kërkoni më shumë nga sa ju lypset.

Nisargadatta Maharaj
Tema Babëzi, Nevojë

Është më e vështirë të shuhet uria për dashuri, sesa uria për ushqim.

Nënë Tereza
Tema Dashuri, Nevojë, Uri, Ushqim

Kur njerëzit të mos luftojnë më për nevojë, do të luftojnë për ambicie.

Niccolò Machiavelli
Tema Ambicie, Luftë, Nevojë

Njerëzit nuk bëjnë mirë asgjë, përveçse për nevojë.

Niccolò Machiavelli
Tema Nevojë, Punë, Vepër

Aq shumë janë njerëzit e padjallëzuar apo të varur nga nevojat jetësore, saqë mashtruesve s’u mungojnë kurrë viktimat.

Niccolò Machiavelli
Tema Mashtrim, Nevojë, Padjallëzi, Viktimë

Të kënaqim nevojat tona është një prej shakave më katile të fatit.

James Russell Lowell
Tema Fat, Mizori, Nevojë

Vetmia është e nevojshme për imagjinatën ashtu siç është shoqëria e shëndetshme për karakterin.

James Russell Lowell
Tema Imagjinatë, Karakter, Nevojë, Shoqëri, Vetmi

Kur nevoja është e fortë, ka nga ata që janë gati të besojnë çdo gjë.

Arnold Lobel
Tema Besim, Nevojë

Zgjuarsia e jetës është të heqësh dorë nga gjërat e panevojshme.

Lin Yutang
Tema Dorëheqje, Mençuri, Nevojë

Ata që nuk kanë nevoja janë më nevojtarë se të tjerët. Nevoja kryesore e njeriut është të mbushë jetën.

Giacomo Leopardi
Tema Angazhim, Nevojë

Nuk kam nevojë për vlerësim, për lavdi, e për gjëra të tilla, por kam nevojë për dashuri.

Giacomo Leopardi
Tema Dashuri, Nevojë

Nevoja është mësuese dhe udhëheqëse e natyrës.

Leonardo da Vinci
Tema Mësues, Nevojë, Udhëheqje

Nevojë është kur ke një telefon, mirëqenie është kur ke dy, kamje është kur ke tre, dhe parajsë është kur nuk ke asnjë.

Doug Larson
Tema Aforizma argëtuese, Nevojë, Parajsë, Telefon

Rruga e qiellit u heq atyre që kanë me tepri dhe ndihmon nevojtarët. Rruga e njeriut u heq nevojtarëve dhe u jep atyre që kanë me tepri.

Laozi
Tema Nevojë, Pasuri, Tepri, Varfëri