Macja mund edhe të jetë mikja më e mirë e njeriut, por nuk do të përulet kurrë që ta pranojë. Tema Mace, Miqësi, Përulësi
Një barishte është një bimë që ka mësuar çdo teknikë mbijetese, përveçse të rritet në rreshta të renditur. Tema Aforizma argëtuese, Bimësi, Mbijetesë
Në vend që t’ia dorëzojmë çelësat e qytetit një politikani, ndoshta është më mirë të ndërrojmë bravën. Tema Aforizma argëtuese, Frikë, Politikë, Siguri
Arsyeja përse njerëzit fajësojnë paraardhësit është se vetëm këtë alternativë kanë. Tema Alternativë, Fajësim, Paraardhës
Nevojë është kur ke një telefon, mirëqenie është kur ke dy, kamje është kur ke tre, dhe parajsë është kur nuk ke asnjë. Tema Aforizma argëtuese, Nevojë, Parajsë, Telefon
Bota është plot me njerëz që kërkojnë një lumturi spektakolare duke e shpërfillur qëllimisht kënaqësinë. Tema Kënaqësi, Lumturi, Shpërfillje
Shumë martesa do të mund të mbijetonin nëse bashkëshortët do të kuptonin se shpeshherë më e mira vjen menjëherë pas më të keqes. Tema Bashkëshortë, E keqja, E mira, Martesë
E vetmja gjë e mirë e të mos qënit i përkryer është kënaqësia që kjo gjë u jep të tjerëve. Tema Kënaqësi, Përsosuri, Të tjerët
Nëse njerëzit do të përqendroheshin vetëm mbi gjërat e rëndësishme, kallamat e peshkimit do të ishin fare pak. Tema Përqendrim, Rëndësi
Disa nga gjërat më të mëdha në botë janë realizuar nga njerëz që nuk ishin aq të zgjuar sa për të kuptuar se ato gjëra konsideroheshin të pamundura. Tema Arritje, Mençuri, Pamundësi
Urtësia është shpërblimi që merr për një jetë të kaluar duke dëgjuar, kur do të kishe preferuar të flisje. Tema Dëgjim, Të folurit, Urtësi
Pleqëria të ka mbërthyer njëherë e përgjithmonë nëse nuk e ndien kurrë nevojën të gjuash një top bore. Tema Lojë, Pleqëri
Pranvera është atëherë kur ke dëshirë të fishkëllesh, ndonëse ke njërën këpucë të qullur me baltë. Tema Pranverë
Miku i vërtetë është ai që i shpërfill dështimet e tua dhe i mirëpret sukseset e tua. Tema Dështim, Miqësi, Sukses
Pak janë gjërat që të japin më shumë kënaqësi sesa të shohësh bijtë e tu që kanë bijtë e tyre. Tema Fëmijë, Kënaqësi, Trashëgimi
Disa njerëz ngatërrojnë çmimin e shtrenjtë të jetës me çmimin e jetës së shtrenjtë. Tema Aforizma argëtuese, Çmim, Dallim, Kosto
