Nevojë

Kohëzgjatja e një filmi duhet të jetë aq sa ç’mund të durojë fshikëza njerëzore.

Alfred Hitchcock
Tema Film, Kohëzgjatje, Nevojë

Artistë janë të gjithë ata që kanë nevojë ta ndiejnë veten tek jetojnë e tek përmirësohen.

Hermann Hesse
Tema Artist, Jetë, Nevojë, Përmirësim

Shpirti ka nevojë për pak gjëra, trupi për shumë.

George Herbert
Tema Nevojë, Shpirt, Trup

Arti nuk mund të ndahet nga jeta. Ai është shprehja e më të madhes nevojë për të cilën jeta është e aftë.

Robert Henri
Tema Art, Jetë, Nevojë

Psikiatri ka nevojë për një psikiatër.

Martin Heidegger
Tema Aforizma argëtuese, Nevojë, Psikiatër

Monumentin e meritojnë vetëm ata që nuk kanë nevojë për të.

William Hazlitt
Tema Meritë, Monument, Nevojë

Mermeri ruan vetëm një kujtim të ftohtë e të trishtë të një njeriu që përndryshe do të harrohej. Asnjë njeri që ka nevojë për një monument nuk duhet të ketë kurrë një të tillë.

Nathaniel Hawthorne
Tema Kujtim, Monument, Nevojë, Varr

Njerëzit kanë më shumë nevojë për dashuri kur e meritojnë më pak.

John Harricharan
Tema Dashuri, Meritë, Nevojë

Çdo javë e kemi të nevojshme një ditë dembelie.

Thich Nhat Hanh
Tema Nevojë, Përtaci, Pushim

Kemi nevojë për marrëdhënie njerëzore siç kemi nevojë të rrimë vetëm, siç kemi nevojë për verën dhe dimrin, për ditën dhe natën, për punën dhe pushimin.

Philip Gilbert Hamerton
Tema Nevojë, Shoqëri, Vetmi

Vështirësitë, mospajtimet, pengesat, janë sinjalet që na tregojnë se nuk duam të heqim dorë nga gjërat që nuk na nevojiten më.

Charles F. Haanel
Tema Dorëheqje, Këmbëngulje, Nevojë, Pajtim, Pengesë, Vështirësi

Njeriu është një krijesë e dëshirës, jo një krijesë e nevojës.

Gaston Bachelard
Tema Dëshirë, Nevojë, Njeri

Nevoja i bën edhe të moshuarit të vrapojnë.

Vëllezërit Grimm
Tema Moshë, Nevojë, Vrapim

T’u japim nevojtarëve sa u nevojitet do të thotë t’u kthejmë sa u takon, jo t’u japim nga pjesa jonë.

Gregori i Madh
Tema Dhënie, E drejtë, Nevojë

Mund ta njohësh dobinë e një ideje, pa ditur ta shfrytëzosh plotësisht.

Gëte
Tema Ide, Mënyrë, Nevojë, Shfrytëzim

Njeriu dëshiron shumë, ndërkohë që i nevojitet fare pak.

Gëte
Tema Dëshirë, Nevojë

Progresi është ai që ndodh kur e pamundura i lëshon pe nevojës.

Arnold H. Glasow
Tema Nevojë, Pamundësi, Përparim

Shumëkush dashuron nga nevoja që ka për të dashuruar, e jo se ka gjetur dikë që meriton dashuri.

Nikki Giovanni
Tema Dashuri, Meritë, Nevojë

Nuk ka njeri që pasi të ketë dalë fitimtar ndaj kapsllëkut të mos ndihet më i sigurt në vetvete.

Roberto Gervaso
Tema Aforizma argëtuese, Nevojë, Siguri

Kur kemi më shumë nevojë për frymëzim, ai nuk vjen kurrë.

George Gershwin
Tema Frymëzim, Nevojë