Këmbëngulje

Kur një njeri fillon t’i përsosë aftësitë e veta me një këmbëngulje të palodhur, ai mund të bëjë mrekulli.

Robert Louis Stevenson
Tema Aftësi, Këmbëngulje, Mrekulli

Qëndrueshmëri: jo ai që nis, por ai që këmbëngul.

Leonardo da Vinci
Tema Këmbëngulje, Qëndresë

Një personalitet nuk është gjë tjetër veçse një gabim këmbëngulës.

Max Jacob
Tema Gabim, Këmbëngulje, Personalitet

Kush nuk është këmbëngulës, nuk do të arrijë kurrë asnjë ndryshim.

Tom Regan
Tema Arritje, Këmbëngulje, Ndryshim

Këmbëngulja dhe zelli janë më të mira se gjenialiteti dhe kokëkrisja.

Erich Maria Remarque
Tema Gjenialitet, Këmbëngulje, Zell

Një burrë duhet të dijë se kur të heqë dorë nga një grua, por një burrë i mençur e di se nganjëherë duhet të vazhdojë të ngulë këmbë.

Robert Jordan
Tema Burrë, Dorëheqje, Grua, Këmbëngulje

Jini të fortë, qëndrestarë dhe këmbëngulës në virtyt; dhe as djall e as krijesë e gjallë, as përmes kërcënimeve e as përmes lëvdatave, të mos ju bëjë ta ktheni kokën pas.

Katrina e Sienës
Tema Këmbëngulje, Kërcënim, Lëvdatë, Virtyt

Këmbëngulja nganjëherë merret për kokëfortësi.

August von Kotzebue
Tema Këmbëngulje, Kokëfortësi

Në bisedë, ashtu si në luftë, mjafton të durosh një çerek ore më shumë se kundërshtari. Këmbëngulja fiton mbi arsyen, mbi elokuencën, mbi shkencën: kundërshtari bajatet aq sa detyrohet të heshtë.

André Maurois
Tema Bisedë, Durim, Këmbëngulje, Kundërshtar

Ata që arrijnë tek e vërteta përmes gabimit janë të mençurit; ata që ngulin këmbë në gabim janë budallenjtë.

Friedrich Rückert
Tema Budalla, Gabim, Këmbëngulje, Mençuri, Vërtetësi

Nëse fatmirësia nuk do, mos ngulni këmbë! Asaj nuk i pëlqejnë ata që e duan me çdo kusht. Ajo nuk do të dhunohet.

Étienne Rey
Tema Fat, Këmbëngulje

Optimizmi është të ngulësh këmbë se gjithçka shkon mirë, edhe kur je keq.

Volteri
Tema E keqja, E mira, Këmbëngulje, Optimizëm

Të kesh guxim do të thotë të dish se do të mposhtesh ende pa filluar, e të fillosh prapëseprapë, e të mbërrish deri në fund, çfarëdo që të ndodhë.

Harper Lee
Tema Guxim, Këmbëngulje, Mposhtje

Rrugëtimi i njerëzve parashtron objektiva që me këmbëngulje mund të arrihen, por nëse ky rrugëtim braktiset, objektivi do të ndryshojë.

Charles Dickens
Tema Arritje, Këmbëngulje, Objektiv, Rrugë

Sekreti i profesionit të shkrimtarit nuk qëndron te ndonjë frymëzim me origjinë të panjohur, por te këmbëngulja dhe durimi.

Orhan Pamuk
Tema Durim, Frymëzim, Këmbëngulje, Sekret, Shkrimtar

Pikë pas pike, uji çan shkëmbin, jo me forcë, por me këmbëngulje.

Lukreci
Tema Forcë, Këmbëngulje

Asnjë këmbëngulje nuk ka të krahasuar me atë që mbështetet nga sistemi. Asnjë gabim nuk është aq i zorshëm për t’u çrrënjosur sa ai që mbrohet nga emri i mirë i inteligjencës.

William Wordsworth
Tema Gabim, Këmbëngulje, Mbrojtje, Mençuri

Ji vetvetja, ji ngulmues, ji i sjellshëm dhe ji mirënjohës. Kjo është, shkurtimisht, receta për sukses e lumturi në jetë.

Chris Widener
Tema Këmbëngulje, Lumturi, Mirënjohje, Mirësjellje, Sukses, Vetvetja

Puna e paqmë i del mbanë çdo gjëje.

Virgjili
Tema Këmbëngulje, Pengesë, Punë

Faktet janë këmbëngulëse, kurse statistikat janë më të luhatshme.

Mark Twain
Tema Fakt, Këmbëngulje, Statistikë