Kërcënim

Jini të fortë, qëndrestarë dhe këmbëngulës në virtyt; dhe as djall e as krijesë e gjallë, as përmes kërcënimeve e as përmes lëvdatave, të mos ju bëjë ta ktheni kokën pas.

Katrina e Sienës
Tema Këmbëngulje, Kërcënim, Lëvdatë, Virtyt

Për politikanët, çdo vizion alternativ i botës, përbën një kërcënim.

Salman Rushdie
Tema Alternativë, Kërcënim, Politikë

Karakteristika e njerëzve të kujdesshëm është që të vendosin sa më shumë roje atëherë kur kalaja kërcënohet më pak.

Victor Hugo
Tema Kërcënim, Kujdes, Mburojë

Kërcënimet e lirisë së fjalës, të shkrimit dhe të veprimit, ndonëse ndonjëherë duken banale kur janë të izoluara, janë përmbledhëse në efektet e tyre dhe sjellin gjithmonë një mungesë të gjerë respekti për të drejtat qytetare.

George Orwell
Tema E drejtë, Kërcënim, Liri, Qytetërim

Njohuritë pa ndërgjegje janë kërcënimi më i madh për njerëzimin.

Victor Weisskopf
Tema Dituri, Kërcënim, Ndërgjegje, Rrezik

Askush nuk do ta merrte mundimin të të bezdiste nëse nuk do të të shihte si kërcënim.

Cicely Tyson
Tema Bezdi, Kërcënim

Janë më shumë gjërat që na trembin se ato që janë kërcënim i vërtetë, dhe shpesh vuajmë më shumë prej frikërave tona se prej realitetit.

Seneka
Tema Frikë, Kërcënim, Vuajtje

Shkëmbimi mes kulturave të ndryshme nuk mund të shihet absolutisht si një kërcënim, kur është miqësor.

Amartya Sen
Tema Kërcënim, Kulturë, Miqësi

Edhe nën kërcënimin e makinës shtetërore më ndrydhëse, kuraja nuk resht së rilinduri, pasi frika nuk është gjendja natyrore e njeriut të qytetëruar.

Aung San Suu Kyi
Tema Frikë, Kërcënim, Kurajë, Ndrydhje, Qytetërim

Teknologjia jonë po zhvillohet aq shumë saqë po kthehemi në një kërcënim për veten tonë.

Carl Sagan
Tema Kërcënim, Shfarosje, Teknologji

Nëse do që armiku yt të bëhet i parrezikshëm, mjafton që ta lëvdosh. Me shumë gjasa, jo vetëm që s’të sulmon më, por edhe mund të bëhet miku yt.

Mario Andrea Rigoni
Tema Armiqësi, Kërcënim, Lëvdatë, Miqësi, Rrezik

Më jepni gjashtë rreshta të shkruar nga njeriu më i ndershëm, e do të gjej në to diçka që mjafton për t’i vënë lakun në fyt.

Kardinali Richelieu
Tema Kërcënim, Ndershmëri

Kur ka ndodhur që e ardhmja të jetë kthyer nga premtim në kërcënim?

Chuck Palahniuk
Tema E ardhme, Kërcënim, Premtim

Nëse ekziston një kërcënim real për martesën, është fakti se nuk ta mban xhepi divorcin.

Jack Nicholson
Tema Aforizma argëtuese, Divorc, Kërcënim, Martesë

Të gjithë njerëzit e trembur kërcënojnë me lehtësi, sepse e ndiejnë se kërcënimet do të kishin një ndikim të madh mbi ta.

Montesquieu
Tema Frikë, Kërcënim

Një padrejtësi që i bëhet një individi është një kërcënim që i bëhet gjithë shoqërisë.

Montesquieu
Tema Individ, Kërcënim, Padrejtësi, Shoqëri

Pa kërcënimin e vdekjes, nuk do të kishim arsye të jetonim.

Marilyn Manson
Tema Jetë, Kërcënim, Vdekje

Kërcënimi i shoqërisë aktuale nuk është dhe aq aftësia e saj në drejtimin e proceseve fizike, sa ç’është paaftësia e saj në drejtimin e proceseve shoqërore.

Konrad Lorenz
Tema Kërcënim, Shoqëri

Garancia e vetme e një paqeje të gjatë mes dy shteteve është pamundësia e ndërsjellë për t’i bërë dëm njëri-tjetrit.

Pierre-Marc-Gaston de Lévis
Tema Kërcënim, Paaftësi, Paqe, Shtet

Korporata mjekësore është bërë një kërcënim i madh për shëndetin.

Ivan Illich
Tema Kërcënim, Mjekësi, Shëndet