Qëllim

Lufta dhe tregtia janë thjesht dy mënyra të ndryshme për të arritur të njëjtin qëllim: zotërimin e gjërave të dëshiruara.

Benjamin Constant
Tema Luftë, Qëllim, Tregti, Zotërim

Jo gjithmonë, sekretet e shkencës duhet të bien në duart e të gjithëve, sepse disa mund t’i përdorin për qëllime të këqija.

Umberto Eco
Tema E keqja, Qëllim, Sekret, Shkencë

Qëllimi i diturisë është edhe të zgjasë jetën njerëzore.

Umberto Eco
Tema Dituri, Jetëgjatësi, Qëllim

Sot lëvizja e grave ia ka arritur qëllimit. Nuk luftojmë më për të, sot kemi rezultatet.

Gertrud von le Fort
Tema Grua, Qëllim

Qëllimi i jetës është të gjesh të tjerë që të punojnë në vendin tënd.

Brandon Sanderson
Tema Punë, Qëllim

Madhështia dhe mirësia nuk janë mjete, por qëllime.

Samuel Taylor Coleridge
Tema Madhështi, Mirësi, Mjet, Qëllim

Një qëllim në jetë është e vetmja pasuri që ia vlen të kërkohet; dhe nuk duhet kërkuar në vise të largëta, por secili në zemrën e vet.

Robert Louis Stevenson
Tema Kërkim, Pasuri, Qëllim, Zemër

Duhet të jemi të lumtur! Ky është qëllimi i çdo qenieje të gjallë, dëshira e parë që natyra na ka dhënë dhe e vetmja që nuk na braktis kurrë.

Henri Murger
Tema Dëshirë, Lumturi, Qëllim

Nuk ka rrugë tepër të gjatë për atë që ecën ngadalë dhe pa nxitim; nuk ka përfitim tepër të largët për atë që përgatitet me durim.

Jean De la Bruyére
Tema Durim, Qëllim, Udhëtim

Njeriu që nuk ka një qëllim të caktuar, humbet me lehtësi.

Michel de Montaigne
Tema Humbje, Qëllim

Virtyti është qëllim në vetvete. E nëse dikush vendos maskën e virtytit për ndonjë arsye, ai menjëherë ia shqyen atë nga fytyra.

Michel de Montaigne
Tema Maskë, Qëllim, Virtyt

Le të jetë pendimi juaj një vullnet i gjallë, një qëllim i fortë. Ankesat dhe keqardhjet ndaj gabimeve të së shkuarës nuk shërbejnë për asgjë.

August von Platen-Hallermünde
Tema Keqardhje, Pendim, Qëllim

Dashuria është fillimi i çdo gjëje, arsyeja e çdo gjëje, qëllimi i çdo gjëje.

Henri Lacordaire
Tema Dashuri, Fillim, Qëllim

Ata që janë të gatshëm të pajtohen me mjetet, nuk do të vonojnë të pajtohen edhe me qëllimin.

Arturo Graf
Tema Mjet, Pajtim, Qëllim

Kur një dhimbje vjen, pyete veten se çfarë kërkon nga ti! Dashuria e përjetshme nuk të dërgon asnjë vuajtje, vetëm që të të bëjë të qash.

Emanuel Geibel
Tema Dashuri, Dhimbje, Qarje, Qëllim

Të tregohemi zemërbutë me heroizmat: ato rrallëherë janë të paramenduara.

André Berthet
Tema Heroizëm, Mëshirë, Qëllim

Kush nuk e zgjat dorën, nuk merr asgjë; por kush e zgjat shumë, shtrembërohet.

Friedrich Rückert
Tema Ambicie, Qëllim

Çfarë ka kuptim në këtë botë të fëlliqur? Për ç’arsye ti je i pasur e unë i varfër? Për ç’arsye vdiset urie? Një zot e di se sa milionë idiotë jetojnë në këtë vend, e ti mendon se kanë një qëllim.

Salman Rushdie
Tema Botë, Idiotësi, Kuptim, Pasuri, Qëllim, Varfëri

Një shpirt i fisëm, kur sheh zellin e një fillestari tek rreket më kot, gjykon qëllimin e jo rezultatin.

Shekspiri
Tema Fillestar, Fisnikëri, Gjykim, Qëllim

Kur e ke në dorë atë qëllimin e rremë të jetës, lumturinë, e harron shpejt qëllimin e vërtetë, detyrën.

Victor Hugo
Tema Detyrë, E vërteta, Gënjeshtër, Qëllim