Nëse varfëria është nëna e krimeve, mungesa e gjykimit është babai i tyre. Tema Gjykim, Krim, Varfëri
Kur ke provuar gjithçka për ta bërë për vete dikë dhe nuk ia ke dalë, mbetet ende një zgjidhje: të mos bësh më asgjë. Tema Asgjë, Dështim, Fitore, Flirt
Budallai as hyn, as del, as ulet, as ngrihet, as hesht, as qëndron në këmbë si njeriu i mençur. Tema Aforizma argëtuese, Budalla, Mençuri
Vdekja vjen vetëm një herë, por ndihet në çdo çast të jetës; është më e rëndë ta druash sesa ta pësosh. Tema Frikë, Vdekje
Fillimi dhe fundi i dashurisë kuptohen nga sikleti që ndiejmë kur mbetemi vetëm së bashku. Tema Fillim, Fund, Siklet
Më e vështirë është të fitosh famë me një kryevepër, sesa t'i japësh vlerë një vepre mesatare me famën që ke fituar. Tema Famë, Kryevepër, Vepër
Besimtari fanatik është ai që, po të kishte një mbret ateist, do të bëhej edhe vetë ateist. Tema Ateizëm, Besimtar, Fanatizëm
Për gratë është e lehtë të shprehin ndjenja që nuk i kanë; për burrat është edhe më e lehtë të shprehin ndjenjat që kanë. Tema Burrë, Grua, Ndjenjë, Shprehje
Disa mësojnë një profesion në rininë e tyre, por e kalojnë gjithë jetën duke ushtruar një tjetër, krejt ndryshe. Tema Mësim, Profesion
Për njeriun, vetëm tri janë ngjarjet: lindja, jeta dhe vdekja; ai nuk e ndien lindjen, vuan teksa vdes dhe harron të jetojë. Tema Jetë, Lindje, Vdekje
Jeta është e shkurtër dhe e mërzitshme, dhe ne e kalojmë atë vetëm duke dëshiruar. Pushimin dhe gëzimet i shtyjmë për të ardhmen. Tema Dëshirë, E ardhme, Gëzim, Jetëgjatësi, Mërzi, Pushim
Nuk ka rrugë tepër të gjatë për atë që ecën ngadalë dhe pa nxitim; nuk ka përfitim tepër të largët për atë që përgatitet me durim. Tema Durim, Qëllim, Udhëtim
Pak gra janë aq të përsosura saqë burri i tyre të mos pendohet të paktën një herë në ditë që është martuar, apo që të mos ua ketë zili beqarëve. Tema Beqar, Burrë, Grua, Lumturi, Martesë, Pendim
