Zotërim

Lumturinë na e sjell shijimi, jo zotërimi.

Michel de Montaigne
Tema Lumturi, Shije, Zotërim

Mosha kur ndahet gjithçka është ajo kur nuk zotërohet asgjë.

Alphonse Karr
Tema Moshë, Ndarje, Zotërim

Dëshira venitet nëse zotëroni diçka. Nuk duhet të zotëroni asgjë.

Francis Picabia
Tema Dëshirë, Zotërim

Lum ata që kanë më shumë, sepse do të mund të japin më shumë e do të mund të digjen më shumë.

Gabriele D’Annunzio
Tema Dhënie, Pasion, Zotërim

Nëse ata që drejtojnë shoqërinë tonë, arrijnë të dominojnë idetë tona, ata do të jenë të sigurt për pushtetin e tyre.

Howard Zinn
Tema Drejtim, Ide, Pushtet, Shoqëri, Zotërim

E zotërojmë veten vetëm duke u dhuruar; shpëtojmë vetëm nëse pranojmë ta humbasim veten. Dhurimi është matësi i qenies.

Maurice Zundel
Tema Dhurim, Shpëtim, Zotërim

Bota i duket e egër atij që do gjithçka për vete.

Fulton John Sheen
Tema Botë, Egërsi, Zotërim

Kam pasur shumë gjëra në duar, dhe i kam humbur të gjitha; por çdo gjë që kam vënë në duart e Zotit, e kam akoma.

Martin Luteri
Tema Zot, Zotërim

Nuk duam thjesht të kemi një grua; duam ta kemi vetëm për vete.

Cesare Pavese
Tema Grua, Zotërim

Dashuria mund të lindë nga një ndjenjë bujare, shija e vetëdhurimit; por shpejt korruptohet nga shija e zotërimit.

Charles Baudelaire
Tema Dashuri, Zotërim

Gjithçka që zotërojmë dhe e ruajmë me aq kujdes, vlen vetëm për kënaqësinë që marrim në çastin që heqim dorë prej saj.

Leon Tolstoi
Tema Dorëheqje, Kënaqësi, Zotërim

Të gjithë ata që kanë diçka, kanë frikë se mos e humbasin.

Haruki Murakami
Tema Frikë, Humbje, Zotërim

Mos u tërhiq nga frika. Frika është si zjarri. Nëse e mposht, ajo do të djegë gjithë tokën. Por nëse mëson ta zotërosh, ajo mund të gatuajë ushqimin tënd dhe të ngrohë shpirtin tënd.

Sabaa Tahir
Tema Frikë, Përshtatje, Zotërim

Dashuria është dëshira për të zotëruar të mirën.

Diotima
Tema Dashuri, E mira, Zotërim

Lufta dhe tregtia janë thjesht dy mënyra të ndryshme për të arritur të njëjtin qëllim: zotërimin e gjërave të dëshiruara.

Benjamin Constant
Tema Luftë, Qëllim, Tregti, Zotërim

Kush dëshiron pak, ka gjithçka; kush nuk dëshiron asgjë është i lirë; kush nuk ka asgjë e nuk dëshiron asgjë, është i ngjashëm me hyjtë.

Fernando Pessoa
Tema Dëshirë, Liri, Zotërim

Në çdo krim të kryer për të zotëruar një objekt, natyra e objektit duhet të na japë një ide, qoftë edhe të zbehtë, të natyrës së kriminelit.

Umberto Eco
Tema Krim, Kriminel, Zotërim

Virtyti i vetëm është të duash atë që sheh, lumturia më e madhe është të gëzohesh me atë që ke.

Umberto Eco
Tema Lumturi, Virtyt, Zotërim

Ne nuk e zotërojmë të vërtetën, ajo na zotëron ne.

Mihai Eminescu
Tema Vërtetësi, Zotërim

Këtu, në shqiptarë, ndodh çka s’ndodh në gjithë botën: në botë shpikin gjëra që s’i kanë dhe thonë “i kemi”; këta, gjërat që i kanë, thonë “s’janë”.

Mark Palnikaj
Tema Paradoks, Shqipëria, Zotërim