“Gruaja juaj është një trëndafil”, i thanë një poeti të verbër. “E kam kuptuar nga gjembat”, u përgjigj ai. Tema Aforizma argëtuese, Grua, Trëndafil
Një grua është bashkëshorte dhe vejushë e denjë vetëm një herë. Tema Bashkëshortë, Grua, Vejushë/Vejan
Shpesh kam thënë dhe kam dëgjuar se dashuria u jep zgjuarsi budallenjve; pa dyshim, është po ajo zgjuarsi që ua merr njerëzve të zgjuar. Tema Budalla, Dashuri, Mençuri
Dalëngadalë vjen një ditë e keqe kur njeriu nuk do më askënd veç vetes: ç'dashuri e trishtë, e ftohtë dhe pa shije! Tema Dashuri, Të tjerët, Vetvetja
Për gruan që do të dashurojë, bukuria është një bekim; për atë që do vetëm të dashurohet, mjafton të duket e bukur. Tema Bukuri, Dashuri, Grua
Besnikëria është një virtyt nga i cili duam të përjashtohemi, por nga i cili nuk duam të përjashtojmë të tjerët. Tema Besnikëri, Të tjerët, Virtyt
Gruaja që e sheh veten të mundur ndien një hov urrejtjeje ndaj fitimtarit të saj, sado që ta adhurojë atë. Tema Grua, Mposhtje, Urrejtje
Dashuria nuk arsyeton, e aq më pak kërkon të shpjegohet; ajo jep dhe është e lumtur për atë që jep. Tema Arsyetim, Dashuri, Shpjegim
Martesa do të ishte përmbushja e një ëndrre të bukur, po të mos ishte kaq shpesh fundi i saj. Tema Ëndërr, Fund, Martesë
Ndëshkimi i atyre që i kanë dashur tepër gratë është të vazhdojnë t'i duan gjithmonë. Tema Dashuri, Grua, Ndëshkim
Me imagjinatë gjithmonë mund të adhurosh një grua; nuk është po aq e lehtë ta duash. Tema Admirim, Dashuri, Grua, Imagjinatë
