Turma lodhet nga të menduarit dhe vesh me dëshirë idetë e të tjerëve; kështu, pak të shkathët sajojnë opinionin publik, që sjell shkatërrim.

Giacinto de’ Sivo
Tema Ide, Mendim, Opinion, Turmë

Teatri është pasqyrimi i pavullnetshëm i ideve të turmës.

Sarah Bernhardt
Tema Ide, Teatër, Turmë

Sidomos kur je i detyruar të jetosh mes turmës, tërhiqu në vetvete.

Epikuri
Tema Turmë, Vetmi

Megjithëse pasuria dhe pushteti mund të japin njëfarë sigurie ndaj njerëzve, siguria më e madhe vjen nga një jetë e qetë dhe larg turmës.

Epikuri
Tema Pasuri, Pushtet, Qetësi, Siguri, Turmë

Është e pamundur t'i pëlqesh turmës, veç po u bëre një gjellë e stisur ose një verë e ëmbël.

Bioni i Boristenit
Tema Pëlqim, Turmë

Kur turma nis të arsyetojë, gjithçka ka marrë fund.

Volteri
Tema Arsyetim, Turmë

Ngjitja e veseve është shumë e rrezikshme mes turmës. Njeriu ose i imiton të ligjtë, ose i urren.

Michel de Montaigne
Tema Imitim, Turmë, Ves

Vetëm po na kundërshtuan mund t’i lëmojmë idetë tona.

Nicolás Gómez Dávila
Tema Ide, Kundërshtim

Turmës nuk i intereson të jetë e lirë, por të besojë se është e lirë.

Nicolás Gómez Dávila
Tema Liri, Turmë

Të përkufizosh do të thotë të rrethosh pafundësinë e një ideje me një mur fjalësh.

Samuel Butler
Tema Fjalë, Ide, Përkufizim

Idetë tona janë kryesisht si monedha false dhe ne e kalojmë gjithë jetën duke u përpjekur t’ia ngecim njëri-tjetrit.

Samuel Butler
Tema Falsitet, Ide

Diletant është ai që nuk është në lartësinë e ideve të veta, por megjithatë krenohet me to.

Arthur Schnitzler
Tema Ide, Përvojë