Fshehje

Për ne femrat, askush nuk ka kuptuar kurrë asgjë, e jemi tepër krenare që të flasim hapur për mundimin tonë të fshehtë.

Ada Negri
Tema Fshehje, Grua, Mundim

Asnjë zjarr, asnjë prush nuk djeg aq fort sa një dashuri e fshehtë të cilën s’e di askush.

Charles Morgan
Tema Dashuri, Fshehje, Zjarr

Talenti është një dhuratë që Zoti na e jep në fshehtësi, e që ne e përhapim pa qenë në dijeni.

Montesquieu
Tema Dhuratë, Fshehje, Talent

Shpirti njerëzor, edhe mikut më të mirë, ia fsheh përherë një anë të tij.

Yukio Mishima
Tema Fshehje, Miqësi, Natyrë njerëzore

Artistët gënjejnë për të shfaqur, njerëzit mediokër gënjejnë për të fshehur.

Yukio Mishima
Tema Artist, Fshehje, Gënjeshtër, Mediokritet, Shfaqje

Është pagan në shpirt ai që e pranon padrejtësinë dhe shtypjen me qëllimin e fshehtë që t’ia dalë të depërtojë mes të privilegjuarve e shtypësve.

Primo Mazzolari
Tema Fshehje, Padrejtësi, Privilegj

E keqja që kërkohet të fshihet duket më e madhe.

Marciali
Tema E keqja, Fshehje

Fshehja e ndjenjave është gjë të rriturish, ndërsa unë s’ia dal dot: nëse dua dikë duhet t’ia ulëras në fytyrë, e nëse jam e lënduar inatosem e qurravitem.

Lorenzo Marone
Tema Fshehje, Ndjenjë

Jetojmë në një botë në të cilën fshihemi për të bërë dashuri, ndërkohë që dhuna dhe urrejtja përhapen ditën për diell.

John Lennon
Tema Dashuri, Dhunë, Fshehje, Urrejtje

Arsyeja e shëndoshë ekziston, por rri e fshehur nga frika e mendimit të përgjithshëm.

Alessandro Manzoni
Tema Fshehje, Gjykim, Paragjykim

Paratë e fshehura e bëjnë njeriun, sidomos atë që s’është mësuar me to, të dyshojë vazhdimisht te të tjerët.

Alessandro Manzoni
Tema Fshehje, Para

Një skuadër është vendi ku një djalosh shkon të tregojë guximin e tij. Një bandë është vendi ku frikacaku shkon të fshihet.

Mickey Mantle
Tema Batakçi, Frikë, Fshehje, Guxim, Skuadër

Bujaria me qëllim të fshehur nuk është bujari, por tregti.

Marya Mannes
Tema Bujari, Fshehje, Tregti

Tek njeriu, mirësia është një flakë që mund të rrijë e fshehur, por kurrë nuk shuhet krejtësisht.

Nelson Mandela
Tema Fshehje, Mirësi

Konsultohu me shumë njerëz rreth gjërave që duhet të bësh, por vetëm pak njerëzve tregoju se çfarë do të bësh vërtet.

Niccolò Machiavelli
Tema Fshehje, Këshillë, Të tjerët, Vendim

Mënyra për matjen e karakterit të një njeriu është ajo që ai do të bënte po të ishte i sigurt se askush nuk do ta merrte vesh kurrë.

Thomas Macaulay
Tema Fshehje, Karakter

Nuk i kuptoj njerëzit që i fshihen të shkuarës së tyre: çdo ngjarje që ke jetuar të ndihmon të jesh personi që je sot.

Sophia Loren
Tema E shkuar, Fshehje, Identitet

Njeriu është gjithnjë i padukshëm, ai gjendet gjithnjë pas gjërave që bën.

Jorge Ángel Livraga Rizzi
Tema Fshehje, Paraqitje

Vendi i vetëm ku mund t’i fshihesh të shkuarës është e ardhmja.

Stephen King
Tema E ardhme, E shkuar, Fshehje

Të gjitha kryengritjet e suksesshme fillojnë në fshehtësi.

Stephen King
Tema Fshehje, Kryengritje