Të tjerët

Kush është ai që mund të arrijë të sundojë mbi të tjerët pa arritur sundimin mbi veten e tij?

W. Somerset Maugham
Tema Sundim, Të tjerët, Vetvetja

Më shumë fitime nxirren nga gabimet që secili kryen vetë sesa nga gjëja e duhur që diktohet prej tjetërkujt.

W. Somerset Maugham
Tema E duhur, Fitim, Gabim, Të tjerët

Ai që dëshiron të udhëheqë të tjerët, duhet më parë të jetë zot i vetes.

Philip Massinger
Tema Sundim, Të tjerët, Udhëheqje, Vetvetja

Gjykoje veten me metrën e sinqeritetit, e do t’i gjykosh të tjerët me metrën e dhembshurisë.

John M. Mason
Tema Empati, Gjykim, Sinqeritet, Të tjerët, Vetvetja

Atij që s’i pëlqen askush, është njeri i palumtur.

Marciali
Tema Palumturi, Pëlqim, Të tjerët

Një prej gjërave më të pakëndshme të varfërisë është se ajo na bën të ngjashëm me të tjerët.

Marciali
Tema Ngjashmëri, Të tjerët, Varfëri

Nga prirja jonë për të dyshuar gjithmonë e gjithkënd, përfundojmë duke mos besuar më as te vetja.

Michela Marzano
Tema Dyshim, Të tjerët, Vetvetja

Është gjithmonë e njëjta histori: dashuritë tona janë sublime, ndërsa dashuritë e të tjerëve nuk janë gjë tjetër veçse sjellje të ndyra.

Claire Martin
Tema Dashuri, Seks, Të tjerët, Vetvetja

Askush nga ne nuk është aty ku është sepse është ngjitur vetë. Jemi këtu ku jemi, sepse dikush ka zbritur dhe na ka ndihmuar të ngjitemi.

Thurgood Marshall
Tema Mirënjohje, Ndihmë, Ngjitje, Të tjerët, Vetvetja

Të rinjtë nuk kanë kontakte personale me njerëzit e tjerë, dhe kjo është e keqja e teknologjisë.

Penny Marshall
Tema Kontakt, Rini, Të tjerët, Teknologji

Nëse do që të jesh ndryshe nga të tjerët duhet të veprosh në rrugë të tjera.

Wynton Marsalis
Tema Ndryshim, Të tjerët, Veprim

Jeto për vete dhe do të jetosh më kot; jeto për të tjerët dhe do të rilindësh.

Bob Marley
Tema Jetë, Të tjerët

Mund të jetosh një jetë të tërë, e në fund të dish më shumë rreth të tjerëve sesa rreth vetes sate.

Beryl Markham
Tema Njohje, Të tjerët, Vetvetja

Është e vërtetë, bota është plot me njerëz që kërkojnë të të shtypin, por ti mos u bashko me ta kundër vetes tënde.

Lou Marinoff
Tema Botë, Shtypje, Të tjerët, Vetvetja

Rrallë është parë njeri i palumtur ngaqë nuk vëren ç’ndodh në shpirtin e një tjetri; por ata që nuk ndjekin lëvizjet e shpirtit të vet janë patjetër të palumtur.

Mark Aureli
Tema Lumturi, Palumturi, Shpirt, Të tjerët

Sa kohë kursen ai që nuk shqetësohet se çfarë thotë, se çfarë bën apo se çfarë mendon fqinji i tij, por interesohet vetëm për veprimet e veta, duke u kujdesur që ato të jenë të drejta e të fisme.

Mark Aureli
Tema Opinion, Të tjerët, Vetvetja

Mos e quaj të pamundur për njeriun atë që ty të duket e vështirë. Çfarë është e mundur dhe në përputhje me natyrën njerëzore, mendoje të arritshme edhe për ty.

Mark Aureli
Tema E mundur, Të tjerët

Më mirë rrëfehu te psikoanalisti se te prifti: për priftin është gjithmonë faji yt, për psikoanalistin është gjithmonë i të tjerëve.

Marcello Marchesi
Tema Aforizma argëtuese, Faj, Prift, Psikoanalizë, Rrëfim, Të tjerët

Njeriu është qenie që nuk del dot nga vetvetja; i njeh të tjerët vetëm nëpërmjet vetes, dhe kur thotë të kundërtën, gënjen.

Marcel Proust
Tema Njohje, Të tjerët, Vetvetja

Nganjëherë është dashuria e tjetrit që na bën të dashurohemi: e vëmë re një njeri vetëm kur ai kërkon shikimin tonë.

Dacia Maraini
Tema Dashuri, Sy, Të tjerët