Të tjerët

Nuk do ta vrisje mendjen se ç’mendojnë njerëzit për ty, po ta dije se sa rrallë mendojnë për ty.

Olin Miller
Tema Aforizma argëtuese, Mendim, Të tjerët

Liria e individit duhet të kufizohet deri aty sa të mos bëhet pengesë për të tjerët.

John Stuart Mill
Tema Liri, Pengesë, Të tjerët

E vetmja liri që e meriton këtë emër është ajo ku ne vazhdojmë të bëjmë mirë sipas mënyrës sonë, pa penguar që të tjerët të vazhdojnë në mënyrën e tyre.

John Stuart Mill
Tema Liri, Mënyrë, Pengesë, Të tjerët, Vetvetja

Është vetëm gjuha që na bën të njëllojtë. I njëllojtë është ai që di të shprehë e të kuptojë mendimin e tjetrit.

Lorenzo Milani
Tema Gjuhë, Të tjerët

Kam mësuar se halli i të tjerëve është i njëjtë me hallin tim.

Lorenzo Milani
Tema Problem, Të tjerët, Vetvetja

Të vësh në dyshim veten tënde është mënyra më e mirë për të kuptuar të tjerët.

Mikelanxhelo
Tema Kuptim, Të tjerët, Vetvetja

Të mendosh për tjetrin e të harrosh vetveten, të kërcesh nga droja në drojë, nga afshi në afsh, kjo furi është ajo që quhet dashuri.

Pietro Metastasio
Tema Dashuri, Epsh, Frikë, Të tjerët, Vetvetja

Pak njerëz do të kishin perëndi, sikur të tjerët të mos ishin munduar aq shumë për t’ua dhënë.

Jean Meslier
Tema Mallkim, Të tjerët, Zot

Të tjerët mund të të japin një emër apo një numër, por nuk mund të të thonë se kush je në të vërtetë. Atë duhet ta zbulosh vetë, brenda vetes sate.

Thomas Merton
Tema Emër, Të tjerët, Vetvetja, Zbulim

Të jemi vetvetja është gjëja që secili prej nesh mund të bëjë më mirë se kushdo tjetër.

Ethel Merman
Tema Të tjerët, Vetvetja

Zgjohem përherë në formë e deformohem përmes të tjerëve.

Alda Merini
Tema Formë, Të tjerët, Zgjim

Nuk duhet t’i përdorim të tjerët si gurë ndërtimi të jetës vetjake.

Pascal Mercier
Tema Përdorim, Të tjerët

Një njeri që ka shtrembëruar vetveten, nuk ka mundur kurrë t’i drejtojë të tjerët.

Mencius
Tema Drejtësi, Shtrembër, Të tjerët, Vetvetja

Kam mësuar duke vëzhguar gabimet e të tjerëve.

Menandri
Tema Gabim, Mësim, Të tjerët

Jo gjithmonë e gjithkund nevojitet arsyetimi; nganjëherë është më mirë të lajthisësh si të tjerët.

Menandri
Tema Arsyetim, Çmenduri, Të tjerët

Është i madh dhe i drejtë, ai që do edhe të tjerët porsi vetveten.

Meister Eckhart
Tema Dashuri, Drejtësi, Madhështi, Të tjerët, Vetvetja

Askush s’e dëgjon vërtet tjetrin, e nëse provon ta bësh, do të kuptosh arsyen.

Mignon McLaughlin
Tema Aforizma argëtuese, Arsye, Dëgjim, Të tjerët

Pyetjet janë një barrë për të tjerët, përgjigjet janë një burg për vetë ne.

Patrick McGoohan
Tema Burg, Përgjigje, Pyetje, Të tjerët

Mëso vetëm atë që të pëlqen, pjesën tjetër lijua të tjerëve, mos u fikso.

Margaret Mazzantini
Tema Mësim, Pëlqim, Të tjerët

Nuk ka gjë më të lehtë se t’i durosh trimërisht fatkeqësitë e tjetrit.

W. Somerset Maugham
Tema Durim, Fatkeqësi, Të tjerët