Marrëzi

Ashtu siç nuk ka budallallëk më të madh se një dituri të dëmshme, nuk ka as pakujdesi më të madhe se një kujdes të tepruar.

Erazmo Roterdami
Tema Kujdes, Marrëzi

Pjesa më e madhe e njerëzimit i jepet marrëzisë, prandaj gjërat më të këqija arrijnë gjithmonë suksesin më të madh.

Erazmo Roterdami
Tema E keqja, Marrëzi, Sukses

Një prej kënaqësive të të pasurit miq të vjetër është se me ta mund t’ia lejosh vetes të sillesh edhe si i krisur.

Ralph Waldo Emerson
Tema Kënaqësi, Marrëzi, Miqësi

Secili nga ne është nganjëherë budalla, tutkun, i marrë apo i çmendur. Ai që i ka në masë të arsyeshme të gjithë këta përbërës është person normal.

Umberto Eco
Tema Budalla, Çmenduri, Marrëzi, Masë, Normalitet

T’i kundërvihesh budallallëkut është veprim budallenjsh.

Pino Aprile
Tema Aforizma argëtuese, Kundërshtim, Marrëzi

Gjëja që më shqetëson më shumë është të shoh se gjenialiteti ka kufij dhe budallallëku jo.

Alexandre Dumas (i biri)
Tema Gjenialitet, Kufi, Marrëzi

Bota është një vend të marrësh. Të çmendurit janë në pushtet.

Philip K. Dick
Tema Botë, Çmenduri, Marrëzi, Pushtet

Çdo afërsi me kufijtë e perceptimit do të duket si lajthitje në fillim.

Don DeLillo
Tema Marrëzi, Perceptim

Njerëzit janë aq të marrë saqë duke i vënë një emër të ri një gjëje të vjetër, besojnë se kanë menduar diçka të re.

Remy de Gourmont
Tema Emër, Marrëzi, Risi, Vjetërsi

S'është se përvoja s'na lejon të bëjmë budallallëqe, por s'na lejon t’i bëjmë me hare.

Francis de Croisset
Tema Hare, Marrëzi, Përvojë

Nga padjallëzia mund të ngjizen mrekulli të vogla ose budallallëqe të mëdha.

Fabrizio De André
Tema Marrëzi, Mrekulli, Padjallëzi

Pse inteligjenca njerëzore ka kufij, ndërsa budallallëku jo?

Georges Courteline
Tema Kufi, Marrëzi, Mençuri

Budallallëku është më tërheqës se inteligjenca.

Claude Chabrol
Tema Marrëzi, Mençuri

Njeriu i pamend e pret të mirën apo të keqen nga të tjerët, ndërsa njeriu i mençur e pret vetëm nga vetvetja.

Anton Çehov
Tema E keqja, E mira, Marrëzi, Mençuri, Të tjerët, Vetvetja

Natyrisht që mendjemëdhenjtë janë edhe mediokër. Po të ishin të zgjuar, do ta kishin kuptuar budallallëkun e mendjemadhësisë së tyre.

Vittorio Buttafava
Tema Marrëzi, Mediokritet, Mendjemadhësi

Kundër një ideje të re, nuk ekziston mbrojtje, përveç budallallëkut.

Percy Williams Bridgman
Tema Ide, Marrëzi, Mbrojtje

Nëse budallallëku do të lëndonte, Toka do të ishte një botë dhimbjesh.

Denis Boyles
Tema Aforizma argëtuese, Dhimbje, Lëndim, Marrëzi

Futbolli është popullor sepse budallallëku është popullor.

Jorge Luis Borges
Tema Aforizma argëtuese, Futboll, Marrëzi, Popull

Një i marrë e gjen gjithmonë një admirues më të marrë se veten.

Nicolas Boileau
Tema Admirim, Marrëzi

Nuk është i mençur askush që nuk di të jetë i marrë në çastin e duhur.

Henry Ward Beecher
Tema E duhur, Marrëzi, Mençuri