Pronë

Njeriu anon pashmangshëm andej ku janë "unë" dhe "e imja".

Epikteti
Tema Njeri, Përkatësi, Pronë

Liria e vërtetë qytetare varet nga siguria e pronës.

Napoleoni
Tema Liri, Pronë

Kur lind, zbulon se gjithçka tashmë u përket të tjerëve, se edhe ti je tashmë i dikujt ose i shumëkujt.

Marcello Marchesi
Tema Pasuri, Përkatësi, Pronë

Të minosh pronën private do të thotë të vrasësh tek njerëzit vullnetin për të fituar më shumë, duke i bërë të druajnë se plaçkitja do të jetë përfundimi i përpjekjeve të tyre.

Ibn Halduni
Tema Frikë, Pronë, Vjedhje, Vullnet

Trupi i gruas nuk është pronë e askujt, përveçse e vetë asaj.

Nawal El Saadawi
Tema Grua, Pronë, Trup

Prona është një vjedhje.

Pierre-Joseph Proudhon
Tema Pronë, Vjedhje

Kolapsi dhe fundi i shoqërive vijnë si pasojë e akumulimit të tepërt të pronës.

Pierre-Joseph Proudhon
Tema Fund, Pronë

Pa punë e pa pronë nuk rron dot njeriu, shpërbëhet, shndërrohet në egërsirë.

Fjodor Dostojevski
Tema Pronë, Punë

Pronarët e popullit do të jenë gjithmonë ata që do të dinë t’i premtojnë atij një parajsë.

Remy de Gourmont
Tema Politikë, Popull, Premtim, Pronë

Këta (komunistët) supozojnë se me marrjen e pushtetit në dorë, u jepet e drejta e pronësisë mbi pasunitë, veprimet, mendimet, jetën e secilit nënshtetas.

Zef Pllumi
Tema E drejtë, Komunizëm, Mendim, Nënshtrim, Pronë, Pushtet

Komunizmi nuk funksionon sepse njerëzve u pëlqen të kenë gjëra.

Frank Zappa
Tema Komunizëm, Pasuri, Pronë

Të gjithë meshkujt janë në pronësi të grave të martuara.

Oscar Wilde
Tema Burrë, Grua, Martesë, Pronë

Ekzistenca e një klase shoqërore që përcaktohet nga mungesa e pronës personale apo kolektive është po aq e turpshme sa edhe skllavëria.

Simone Weil
Tema Pronë, Skllavëri, Turp

Lëvdoji çifligjet e mëdha, por kultivo një të vogël.

Virgjili
Tema Pronë

Më mirë të ulem mbi një kungull e ta kem të gjithin për vete, sesa të rri i ngjeshur me të tjerët mbi një jastëk kadifeje.

Henry David Thoreau
Tema Liri, Më mirë ... se, Përkatësi, Pronë

I trajtojmë idetë si pronë, prandaj e kemi të vështirë të ndahemi prej tyre.

Nassim Nicholas Taleb
Tema Ide, Ndarje, Pronë

T’i mbështesim këmbët gjatë gjithë jetës mbi të njëjtën tokë mund të na shkaktojë një keqkuptim të rrezikshëm, të na bëjë të besojmë se ajo tokë na përket.

Antonio Tabucchi
Tema Përkatësi, Pronë, Tokë

Qëllimi i jetës është zhvillimi e shpirtit. Mos ndiq iluzione, si pronën apo statusin, pasi këto arrihen me shkatërrimin e nervave, dekadë pas dekade, e të merren brenda një nate.

Aleksandër Sollzhenjicin
Tema Iluzion, Pronë, Qëllim, Shpirt

Prona është një grabitje e organizuar.

George Bernard Shaw
Tema Grabitje, Pronë

Idetë më të mira janë pronë e të gjithëve.

Seneka
Tema Ide, Pronë, Të gjithë