Eugène Ionesco

Zoti ka vdekur, Marksi ka vdekur, dhe as unë nuk ndihem shumë mirë.

Tema Aforizma argëtuese, Vdekje

Një vepër arti është sidomos një aventurë e mendjes.

Tema Art, Aventurë, Mendje

Nuk ekziston një fe, për të cilën, jeta e përditshme të mos konsiderohet një burg.

Tema Burg, Fe, Përditshmëri

Vetëm për trushpëlarët historia ka gjithnjë të drejtë.

Tema Budalla, E drejtë, Histori

Nuk kemi kohë për t’i kushtuar vetes pak kohë.

Tema Kohë, Vetvetja

Duhet t’u mësojmë njerëzve të mos flasin për drejtësi, por për dhembshuri.

Tema Drejtësi, Empati

Njerëzit shkruajnë për të mos vdekur krejtësisht, për të mos vdekur menjëherë, sepse me kohën çdo gjë tretet.

Tema Shkrim, Vdekje

Të mendosh ndryshe nga koha jote, është heroizëm. Por të flasësh kundër saj, është marrëzi.

Tema Heroizëm, Marrëzi, Mendim, Të folurit

Zoti nuk mund të vdesë. Është e vetmja gjë që s’mund të bëjë. E nëse njeriu është krijuar në shëmbëlltyrën e Zotit, as njeriu nuk do të vdesë. Zoti nuk do të lejojë që imazhi i tij të reshtë së ekzistuari.

Tema Njeri, Vdekje, Zot

Edhe mërzia lulëzon, kur ndihesh i sigurt. Është një simptomë e sigurisë.

Tema Mërzi, Siguri

Kafshët dhe politikanët nuk e dinë se janë të vdekshëm.

Tema Kafshë, Politikë, Vdekje

Të duash të jesh i së tashmes do të thotë të duash të jesh i së shkuarës.

Tema E shkuar, E tashme

Arsyeja është çmenduria e më të fortit. Arsyeja e më të dobëtit është çmenduri.

Tema Arsye, Çmenduri, Dobësi, Forcë

O fjalë, sa krime kryhen në emrin tuaj.

Tema Fjalë, Krim

Nën petkun e ideologjive bëhen masakra. Për dashurinë ndaj atdheut, urrehen vende të tjera. Mjetet dhe qëllimet nuk kanë asgjë të përbashkët. Ideologjitë dhe besimet fetare janë alibitë e batakçinjve.

Tema Atdhe, Fe, Ideologji, Masakër, Urrejtje

Në ide jemi të ndryshëm nga njëri-tjetri; në ëndrra e shqetësime jemi të ngjashëm.

Tema Dallim, Ëndërr, Ide, Ngjashmëri, Shqetësim

Ku nuk ka humor, nuk ka njerëzillëk; ku nuk ka humor, ka kampe përqendrimi.

Tema Gjenocid, Humor, Krim, Njerëzillëk

Të vdekurit janë më shumë se të gjallët. Dhe numri i tyre po shtohet. Të gjallët janë të rrallë.

Tema Guxim, Jetë, Vdekje

Flasim për fëmijërinë atëherë kur nuk e zotërojmë më, kur nuk e kuptojmë më dhe aq mirë.

Tema Fëmijë, Zotërim