Montesquieu

Për të bërë punën e tij, njeriu duhet të kërkojë gjithnjë leje, por kurrë duartrokitje.

Tema Duartrokitje, Leje, Punë

Nuk ka shumë dallim mes vlerësimit të madh për veten dhe përçmimit të madh për të tjerët.

Tema Përçmim, Të tjerët, Vetvetja, Vlerësim

Dashuria kërkon të marrë po aq sa jep: është interesi më personal nga të gjithë; aty bëhen krahasime e llogari; sqima është mosbesuese dhe kurrë nuk ndihet mjaft e sigurt.

Tema Dashuri, Dhënie, Interes, Krahasim, Marrje, Sqimë

Që të mos abuzohet me pushtetin, duhet që çdo pushtet të kufizohet nga një tjetër.

Tema Abuzim, Pushtet

Duhet të provojë kënaqësi të pamasë ai njeri që kur bën shqyrtimin e ndërgjegjes, e gjen të pastër zemrën e tij.

Tema Kënaqësi, Ndërgjegje, Pastërti

Një mësues mund të bëhet lehtësisht kokëfortë, sepse ushtron një profesion ku nuk gabon kurrë.

Tema Gabim, Kokëfortësi, Mësim

Shtysa e parë që duhet të na nxisë të studiojmë është dëshira për të rritur epërsinë e natyrës sonë, e për ta bërë qenien inteligjente akoma më inteligjente.

Tema Mençuri, Studim

Vetëvlerësimi tepër i ulët sjell po aq vese sa edhe vetëvlerësimi tepër i lartë.

Tema Tepri, Ves, Vetëvlerësim

I lumtur është ai popull, historia e të cilit lexohet me bezdi.

Tema Histori, Lumturi, Popull

Në përgjithësi, ligji është arsyeja njerëzore, për aq kohë sa qeveris të gjithë popujt e tokës.

Tema Arsye, Ligj, Qeverisje

Një krenari fisnike u shkon për shtat njerëzve që kanë talente të mëdha.

Tema Fisnikëri, Krenari, Talent

Ligjet, në kuptimin më të zakonshëm, janë marrëdhëniet e domosdoshme që rrjedhin nga natyra e gjërave.

Tema Ligj, Marrëdhënie

Përderisa nuk i kemi lexuar të gjithë librat e lashtë, si mund të themi që preferojmë librat modern?

Tema Lashtësi, Lexim, Libër

Demokracia duhet të shmangë dy teprime: frymën e pabarazisë, që e çon drejt aristokracisë, dhe frymën e barazisë së skajshme, që e shpie drejt despotizmit.

Tema Aristokraci, Barazi, Demokraci, Tepri, Tirani

Kur një qeveri zgjat prej shumë kohësh, vyshket pak nga pak e pa e vënë re.

Tema Kohëzgjatje, Qeveri

Liria është e mira që na bën të shijojmë çdo të mirë tjetër.

Tema E mira, Liri, Shije

Autor: një trashaman që, duke qenë i pakënaqur që ka mërzitur vetëm brezin e vet, dëshiron të torturojë edhe brezat pasardhës.

Tema Autor, Brez, Mërzi, Pasardhës

Udhëtimet të hapin mendjen: të çlirojnë nga paragjykimet e vendit tënd dhe nuk të shtyjnë të huazosh ato të të huajve.

Tema Mendje, Paragjykim, Të tjerët, Udhëtim

Shumë njerëz konsiderojnë të nevojshme vetëm gjërat e tepërta.

Tema Domosdoshmëri, Tepri

Të gjithë njerëzit e trembur kërcënojnë me lehtësi, sepse e ndiejnë se kërcënimet do të kishin një ndikim të madh mbi ta.

Tema Frikë, Kërcënim