Ke bërë copë ligjet e zemrës sate për t’iu nënshtruar ligjeve të fisit tënd. Vicente Huidobro 1893–1948 Tema Nënshtrim, Ligj, Të tjerët, Vetvetja
Të gjithë njerëzit i nënshtrohen dikuj, o me të mirë o me të keq. Apelojnë te liria ata që kundërshtojnë ligjët e Zotit, por i ndigjojnë verbtas ligjet e urdhnat e njerëzve të poshtër. Zef Pllumi Tema Ligj, Liri, Nënshtrim, Poshtërsi
S’është e vërtetë që barazia është një ligj i natyrës. Natyra nuk ka bërë asgjë të barabartë. Ligji sovran i saj është nënshtrimi dhe ndërvarësia. Luc de Clapiers de Vauvenargues Tema Barazi, Ligj, Natyrë, Nënshtrim
Parimi që përcakton marrëdhëniet shoqërore mes gjinive, që nënshtron njërën gjini ndaj tjetrës në emër të ligjit, është i gabuar, dhe përbën një prej pengesave kryesore të progresit njerëzor. John Stuart Mill Tema Gabim, Gjini, Ligj, Nënshtrim, Pengesë, Përparim
Kur abuzimet priten me nënshtrim, fuqia uzurpuese i kthen ato me ngut në ligj. Guillaume-Chrétien de Lamoignon de Malesherbes Tema Abuzim, Ligj, Nënshtrim
Ligji nuk është një dritë, një mjet i kudogjendur, por një rrugë në ngjitje, të cilës qytetari duhet t’i nënshtrohet që të ndihet i sigurt. Robert Bolt Tema Ligj, Nënshtrim, Qytetar, Siguri
Politika është arti i të kuptuarit si të interesit tënd, ashtu edhe të tjetrit, dhe i shfrytëzimit të këtij të fundit për të parin, duke e përdorur tjetrin në mënyrë që ai të mendojë se po i shërben. Hermann Bahr Tema Interes, Politikë, Shërbim, Të tjerët, Vetvetja
Të gjithë njerëzve u pëlqen të përvetësojnë pasurinë e të tjerëve; dëshira është e përbashkët, ndryshon vetëm mënyra. Alain-René Lesage Tema Mënyrë, Pasuri, Përvetësim, Të tjerët
Kush merret me punët e të tjerëve, ose s’ka punë të vetat, ose i lë pa bërë. Ruzante Tema Punë, Të tjerët, Thashëthem, Vetvetja
Të varfrit luftojnë e vdesin për luksin dhe pasurinë e të tjerëve. Tiber Graku Tema Luftë, Pasuri, Të tjerët, Varfëri, Vdekje
Njeriu është e vetmja kafshë që i shkakton dhimbje tjetrit pa ndonjë qëllim tjetër, përveçse t’i shkaktojë dhimbje. Arthur Schopenhauer Tema Dhimbje, Njeri, Qëllim, Të tjerët
Ka njerëz që ndihen më të qetë në gënjeshtrën e tjetrit sesa në të vërtetën e vet. Friedrich Hebbel Tema E vërteta, Gënjeshtër, Të tjerët, Vetvetja
