Është e lehtë të jesh komunist në një shtet të lirë; e vështirë është të jesh i lirë në një shtet komunist.

Corrado Guzzanti
Tema Komunizëm, Liri, Shtet

Unë nuk njoh rrymë tjetër më të veçuar dhe më të larguar nga faktet sesa marksizmi.

Boris Pasternak
Tema Fakt, Komunizëm

Katolikët dhe komunistët janë të ngjashëm në mendimin e tyre se një kundërshtar nuk mund të jetë njëkohësisht edhe i ndershëm edhe inteligjent.

George Orwell
Tema Komunizëm, Krishtërim, Kundërshtar, Mençuri, Ndershmëri

Secili sipas aftësive të tij, secilit sipas nevojave të tij.

Louis Blanc
Tema Aftësi, Komunizëm, Nevojë

Proçesverbalet e gjykatave komuniste kurrë nuk mund të merren për bazë të së vërtetës, mbasi janë të manipulueme me dhunë, terror, tortura e rrena. Ai historian që i merr për bazë, o asht servil i së keqes, ose i cektë nga gjykimi.

Zef Pllumi
Tema Dhunë, Gënjeshtër, Historian, Komunizëm, Manipulim, Terror

Mbrenda këtij "kloni" jetonin shqiptarët, që kishin liri, në të shumtën e rasave, me u martue simbas rregullave të Partisë, kishin liri me rrahë shuplakë e me brohoritë Enver Hoxhën; kishin liri me shkue kur të duen në WC; kishin liri me folë mirë për Partinë e Pushtetin; por nuk kishin liri as me shfaqë mendimin e vet, pakënaqësitë e nevojët e veta.

Zef Pllumi
Tema Diktaturë, Komunizëm, Liri

Koncepti oriental i qeverisjes jep ato fuqi të cilat, mund të thomi, në nji farë mënyre, nuk i ka mbajtë për veti as Zoti-Krijues.

Zef Pllumi
Tema Komunizëm, Pushtet, Qeverisje

Këta (komunistët) supozojnë se me marrjen e pushtetit në dorë, u jepet e drejta e pronësisë mbi pasunitë, veprimet, mendimet, jetën e secilit nënshtetas.

Zef Pllumi
Tema E drejtë, Komunizëm, Mendim, Nënshtrim, Pronë, Pushtet

Kujtoni brigadat partizane, të cilat kërkonin me hî në çdo vrimë e skutë, dhe gjithshka shifshin u dukej vepër fashiste, balliste o reaksionare, dhe me supozime fantastike banin akuza imagjinare nga të cilat njerëzit burgoseshin o pushkatoheshin si pa gjâ të keq, madje me krenarinë se po i shërbejnë popullit e Partisë.

Zef Pllumi
Tema Akuzë, Komunizëm, Vrasje

Komunizmi asht pasqyrë e rrejshme e atyne popujve qi, tue mos pasun qytetnim të vetin dhe tue kenë të paaftë t’i-a mbërrijnë zhvillimit të tjerëve, duan të barazojnë gjithçka mbi emnuesin e përbashkët të shkatërrimit.

Mustafa Kruja
Tema Barazi, Komunizëm, Qytetërim, Shkatërrim, Zhvillim

Komunizmi s’ka të bëjë fare me dashurinë. Komunizmi është një çekan i mirë për të shkatërruar armikun tonë.

Mao Ce Duni
Tema Armiqësi, Dashuri, Komunizëm

Komunizmi nuk funksionon sepse njerëzve u pëlqen të kenë gjëra.

Frank Zappa
Tema Komunizëm, Pasuri, Pronë