Zhvillim

Madhështia jetëgjatë dhe forca e frytshme e kombeve arrihen përmes zhvillimit të pavarur të ideve fisnike njerëzore dhe nga kultura e lartë.

Giosuè Carducci
Tema Komb, Kulturë, Zhvillim

Nuk është se duhet të reshtim së zhvilluari dhe përmirësuari anët e mira dhe të virtytshme me pretekstin se horrat i përdorin mbrapsht.

Christine de Pizan
Tema Horr, Përdorim, Përmirësim, Pretekst, Virtyt, Zhvillim

Komunizmi asht pasqyrë e rrejshme e atyne popujve qi, tue mos pasun qytetnim të vetin dhe tue kenë të paaftë t’i-a mbërrijnë zhvillimit të tjerëve, duan të barazojnë gjithçka mbi emnuesin e përbashkët të shkatërrimit.

Mustafa Kruja
Tema Barazi, Komunizëm, Qytetërim, Shkatërrim, Zhvillim

Nuk është e vërtetë se rrogat e larta sjellin zhvillim, është zhvillimi që sjell rroga të larta.

Bruno Vespa
Tema Pagesë, Zhvillim

Sa më pak të ndërhyjë qeveria në punët private, aq më mirë është për zhvillimin e përgjithshëm.

Martin van Buren
Tema Kontroll, Qeveri, Sektor privat, Zhvillim

Qëllimi i jetës së njeriut është përdorimi i të gjitha aftësive të mundshme për zhvillimin e shumanshëm të krejt qenies së tij.

Leon Tolstoi
Tema Aftësi, Jetë, Qëllim, Zhvillim

Zhvillimi progresiv i njeriut është i lidhur drejtpërdrejt me shpikjen.

Nikola Tesla
Tema Shpikje, Zhvillim

Është ajo që bëjmë nga këtu e në vazhdim që mund të çojë përpara apo pas zhvillimin e shoqërisë sonë.

Patrick Stewart
Tema E ardhme, Prapësim, Zhvillim

Të lulëzosh natyrshëm, ky është përkufizimi im i suksesit.

Gerry Spence
Tema Sukses, Zhvillim

Rrallëherë të ardhurat tejkalojnë zhvillimin personal.

Jim Rohn
Tema Para, Zhvillim

Sa më shumë të jetë e zhvilluar një specie, aq më shumë energji konsumon për t’u mbajtur në një gjendje çekuilibri.

Jeremy Rifkin
Tema Energji, Zhvillim

Në një vend të pazhvilluar, mos pi ujin. Në një vend të zhvilluar, mos thith ajrin.

Jonathan Raban
Tema Ajër, Ujë, Zhvillim

Përveç bujqësisë, budallallëku është industria më e zhvilluar e epokës sonë.

Alfred Nobel
Tema Aforizma argëtuese, Bujqësi, Industri, Marrëzi, Zhvillim

Kushdo që kontribuon në zhvillim, duhet patjetër të zhvillohet edhe vetë.

Earl Nightingale
Tema Zhvillim

Nuk kam asgjë kundër atij që beson në Zot. Jam kundër atij që pretendon se Zoti i tij është autoriteti që e lejon atë t’i vërë kufizime zhvillimit dhe gëzimit njerëzor.

A. S. Neill
Tema Gëzim, Kufi, Kundërshtim, Zhvillim, Zot

Kushti i parë për zhvillimin e fëmijës është përqendrimi. Fëmija që përqendrohet është tej mase i lumtur.

Maria Montessori
Tema Fëmijë, Lumturi, Përqendrim, Zhvillim

Për të ndihmuar fëmijën, duhet t’i japim një mjedis që ta lejojë të zhvillohet lirisht.

Maria Montessori
Tema Fëmijë, Mjedis, Ndihmë, Zhvillim

Universitetet nuk krijojnë budallenjë, por i zhvillojnë.

George Horace Lorimer
Tema Budalla, Universitet, Zhvillim

Që nga krijimi i botës, mizoritë njerëzore nuk kanë bërë asnjë hap drejt progresit. Në kursin e shekujve, veç sa i kemi dhënë një dorë bojë, asgjë tjetër.

Jack London
Tema Kohë, Përparim, Shtirje, Zhvillim

Gjenetikisht mashkull e femër janë identikë. Nuk janë të tillë nga pikëpamja epigjenetike, pasi zhvillimi i femrës është ndaluar qëllimisht.

Rita Levi-Montalcini
Tema Burrë, Gjenetikë, Grua, Zhvillim