Kotësi

Pasuria që kërkon natyra ka kufij dhe fitohet lehtë; pasuria që lind nga dëshirat e kota nuk ka fund.

Epikuri
Tema Kotësi, Natyrë, Pasuri

Të bësh a të mos bësh është kotësi; të jetosh a të vdesësh është njësoj.

Anatole France
Tema Kotësi, Vdekje

Vetëm një gjë është më e kotë se dëshirat njerëzore: të mos kesh dëshira fare.

Samuel Butler
Tema Dëshirë, Kotësi

Vdekja s’është kurrë e kotë për atë që ka jetuar keq, as e dëmshme për atë që ka jetuar mirë.

Leon Battista Alberti
Tema Dëm, Jetë, Kotësi, Vdekje

Kjo është e bukura e anarkisë së internetit: çdokush ka të drejtën të shfaqë kotësinë e tij.

Umberto Eco
Tema Internet, Kotësi

E tmerrshme nuk është të vuash, as të vdesësh, por të vdesësh kot.

Jean-Paul Sartre
Tema Kotësi, Tmerr, Vdekje, Vuajtje

E shkuara është një vepër arti, pa kotësira dhe pa gjëra të ngelura pezull.

Max Beerbohm
Tema E shkuar, Kotësi

Njëri predikon kotësinë e jetës, tjetri rëndësinë e saj. Dëgjoji të dy, biri im, dhe mos harro: të dy kanë nga pak të drejtë.

Friedrich von Bodenstedt
Tema Jetë, Kotësi, Rëndësi

Keqardhjet janë të kota: ta mbash mendjen në to do të thotë të humbasësh të tashmen për një të kaluar që nuk të përket më.

Abel Dufresne
Tema E tashme, Keqardhje, Kotësi

Ne vetë e shkurtojmë kohën tonë, duke e humbur atë në vizita të kota, në thashetheme, në shfaqje, në bankete.

Kuintiliani
Tema Jetëgjatësi, Kohë, Kotësi

Nëse rrini kot, mos rrini vetëm; nëse rrini vetëm, mos rrini kot.

Samuel Johnson
Tema Kotësi, Vetmi

Kështu urdhëroi natyra, që çdo gjë të jetë kotësi e që çdo gjë të duket reale.

Ugo Foscolo
Tema Kotësi, Natyrë

Njerëzit zihen shpesh për lesh dhie.

Horaci
Tema Kotësi, Zënkë

Gjysma e gjërave që ne shkruajmë është e dëmshme, dhe gjysma tjetër është e kotë.

Henry Becque
Tema Dëm, Kotësi, Shkrim

Gjithçka është njësoj e kotë në jetën e njeriut, si gëzimet ashtu edhe hidhërimet. Por është më mirë që flluska e sapunit të jetë e artë ose e kaltër sesa e zezë apo gri.

Nicolas Chamfort
Tema Gëzim, Hidhërim, Kotësi

Askush nuk bëhet njeri i madh pa guximin për të lënë mënjanë një pafundësi kotësish.

Carlo Dossi
Tema Kotësi, Madhështi, Shpërfillje

Dy farë njerëzish punuan më kot dhe u këputen në dhembje plot: ai që grumbulloi pasuri dhe s’hëngri vetë, dhe ai që nxuri dituri dhe s’e vuri në jetë.

Saadiu
Tema Dituri, Kënaqësi, Kotësi, Lodhje, Pasuri, Praktikë, Punë

Të shkathëtit, në shekullin tonë, i kanë ngjitur vetes emrin burra shteti; kështu që kjo fjalë është katandisur pak a shumë në fjalë boshe.

Victor Hugo
Tema Kotësi, Shkathtësi, Shtetar

Spekulimi me fantazi ndjell vetëm shpresa të kota, është veprimi ai që përcakton rezultatet.

Shekspiri
Tema Fantazi, Kotësi, Spekulim

Të pirit e të ngrënit mirë, nuk është aspak art i kotë.

Friedrich Nietzsche
Tema Kotësi, Ngrënie, Pije