Të folurit

Po grive kaq shumë, ti veshët i qep; po qe se s’mbyll gojën, këshilla nuk shkrep.

Saadiu
Tema Heshtje, Këshillë, Të folurit

Ai që e thotë fjalën pa e peshuar, nga përgjigjja e tjetrit ka për t’u lënduar.

Saadiu
Tema Lëndim, Maturi, Përgjigje, Të folurit

O fol si flet njeriu me mend, o hesht si kafshët, rri në vend.

Saadiu
Tema Heshtje, Të folurit

Gjuhëpreri i tërhequr në një skutë si fole m’i mir’ është nga një burrë që s’i ve dot gjuhës fre.

Saadiu
Tema Heshtje, Të folurit

I urti i rrahur me uthull, me vaj, mendohet përpara, hap gojën pastaj.

Saadiu
Tema Mendim, Të folurit, Urtësi

Shpeshherë njeriu nuk e di se çfarë i intereson më shumë, derisa vazhdon të flasë për diçka që nuk i intereson më shumë.

J. D. Salinger
Tema Interes, Të folurit, Vetëdije

Sigurisht që njeriu flet me vete, dhe s’ka qenie të mençur që të mos e ketë provuar këtë.

Victor Hugo
Tema Mençuri, Të folurit, Vetvetja

Një palë njerëz janë të këqij vetëm e vetëm se s’u rrihet pa folur.

Victor Hugo
Tema E keqja, Të folurit

Në qytetet e vogla ka shumë gojë që flasin e pak kokë që mendojnë.

Victor Hugo
Tema Gojë, Mendim, Qytet, Të folurit

Atë që nuk e dimë, nuk mund ta tregojmë.

Mihail Bulgakov
Tema Dituri, Të folurit

Asnjë forcë nuk mund ta detyrojë një turmë të heshtë, derisa ajo të ketë zbrazur gjithë sa i është grumbulluar përbrenda.

Mihail Bulgakov
Tema Forcë, Heshtje, Të folurit, Turmë

Me njerëzit duhet folur gjithnjë për atë që u intereson atyre e jo për atë që na intereson ne.

Harper Lee
Tema Interes, Të folurit, Të tjerët

Sipas logjikës së tutkunëve, ata që nuk flasin për punët e veta, duhet të merren patjetër me punë të ndyra.

Balzaku
Tema Budalla, Pisllëk, Punë, Të folurit

Në botë nuk ka sekrete; q'atëherë që goja flet me nji njeri tjetër, n'at çast që veshët e shtien në krye fjalën e ndigjueme, ajo krijon përziemje të madhe, të gërryen përmbrenda derisa të nxierret për gojet e jashtë e t'ia ngjitësh nji tjetri në sekret.

Zef Pllumi
Tema Dëgjim, Sekret, Të folurit, Të tjerët

Po mësove prej natyrës, do të rrëfejë vetë ndjenja jote, ç'i flasin shpirtrat njëri-tjetrit.

Gëte
Tema Natyrë, Ndjenjë, Shpirt, Të folurit

Secili veten duhet të shohë shumë gjatë, përpara se të mendojë për të tjerët të flasë.

Molieri
Tema Të folurit, Të tjerët, Vetvetja

Fatmirësisht, siç e dëshmon historia njerëzore, shpeshherë nga një gjë negative rrjedh një gjë pozitive. Kurse për gjërat negative që rrjedhin nga ato pozitivet, flitet më pak, të tilla janë kontradiktat e botës sonë, disa meritojnë më shumë konsideratë se të tjera.

José Saramago
Tema E keqja, E mira, Të folurit

S'ka gjë që i pëlqen më tepër një të sëmuri sesa të flitet për sëmundjen e tij.

Gabriel García Márquez
Tema Sëmundje, Të folurit

Njerëzit flasin keq për të tjerët pa farë ndalese, ashtu si pihet një gotë ujë kur njeriu asht etshëm.

Martin Camaj
Tema Përgojim, Të folurit, Të tjerët

Të mundohesh t’i mbyllësh gojën botës është njëlloj si të përpiqesh të zësh vrimat e gardhit.

Miguel de Cervantes
Tema Botë, Kotësi, Të folurit